Уæрæсейы  оккупацион  тыхты æрдгæй   Днепропетровскы   зылдыл  бомбæкалды  фæстиуæгæн ис амæттаг. Украинаг  медиайы  информацийæ, уырыссаг  æфсæддæттæ  горæт  Никополыл  уæззау  артиллерийæ   сыххæст кодтой  хафт.  Бомбæкалды  фæстиуæгæн иу адæймаг амард, дыууæ та фæцæф сты.  Зиангонд  у  бирæуæладзыгон   корпустæ æмæ  хицæн хæдзæрттæ, афтæма   газдадзæн, электроадæттæн хахх.

Фыццаг майы, боныцъæхыл  Украинайы  территорийыл  масштабон    уæлдæфон  фæдис  райхъусын кодтой. Украинайы   президенты  администраци уырыссаг  ракетæты нейтрализацийы нысанæн уæлдæфон иргъæфы  системæйы  куысты  фæдыл   ахæлиу кодта инфорпмаци.  Цалдæр  регионы   фидар спырхы  гуыпп   айхъусыт. Ахæлиугонд информацийæ уырыссаг æфсæддæттæ   Сумыйы  зылды    цæрæн   пунктты æмæ æфсæддон     позициты  ныхмæ  50 хатт  бакодтой æхст.

Медиайы  информацийæ, ивгъуыд æхсæв-боны  дæргъы  украинаг    æфсæддæттæ   уырыссаг   оккупантты  концентрацийы   зонæтыл   æртæ уæлдæфон   хафт сыххæст кодтой.   Украинаг артиллеристтæ æмæ ракетон   æфсæдды   хайадтæ афтæдæр бомбæкалд сыххæст кодтой   Уæрæсейы оккупацион тыхты   хæцæнгарзы æмæ  удæгас тыхы концентрацийы   цыппар  раны.  Украинайы æфсады  генштабы  информацийæ,  хæстон   архæйдтыты   эпицентры  сты горæттæ  Бахмут æмæ Марьинка.