«Уæрæсе    Киевмæ бырст ракодта   камикадзе  дронтæй, стындты   гуыпп   нырмадæр хъуысы, –  уый фæдыл  украинаг  медиа фыссы. Медиайы  хъусинагæй,   стындты   гуыппытæ  Киевы    цъус рæстæг размæ  дæр   айхъуыст.  Горæты  мэр Виталий Кличко, цæрджытæм сиды, бомбæмбæхсæнты баззайынмæ.

Украинайы  сæйраг горæты  мэры информацийæ,   боныцъæхыл  Киевы центрмæ бырст  камикадзе дронтæй  сыххæст ис.  Ахæлиугонд хъусинагæй,  стындтæ  Шевченково районы  æрцыд Фæстиуæгæн иуæй-иу бæстыхайы  фæзындис сыгъд.  Бынатыл мобилизацигонд сты   уæлвæтк уавæрты   куыстытæ.

Социалон  медиайы  хæлиу кæны инфоормаци, цæмæй камикадзе   дронтæ  фæфиппайдтой  Киевы зылды  æндæр æмæ æндæр цæрæн пунктты. Сæ  хай  украинаг  æфсæддæттæ  рыппæрстой. Æнæпилот  тæхæн  аппараттæ ауыдтой   Черкасы  зылды дæр.

Æвдисæнты хъусинагæй, афтæма стындты   гуыппытæ хъуысы  Одессæйы. Уæдмæ горæты  уæлдæфон  бырсты фæдисы  сигнал  хъуыстис.

Параллелонæй, украинаг медиайы  хуъсинагæй,  Уæрæсе  ракетон бырстытæ  сыххæст  кодта Днепропетровскы, Сумыйы æмæ Запорожьейы   зылдтыл, цы ран  базиан ис  критикон   нысаниуæгы  инфраструктурæ. Уый фæстиуæгæн  ацы  зылдты   электроифтонгады ис  проблемæтæ.