Франц Украинæйæн 195 милуан евройы бæрц æфсæддон æххуыс бакæндзæн, – уый фæдыл информацийы хъусын кæны украинаг меди. Бæрæг куыд у, афтæмæй Франц ацы æххуысы тыххæй бафиддзæн Уæрæсейы уазалгонд активтæй райсгæ проценттæй.

Францы хихъахъæнады министр Себастьян Лекорну расидтис, цæмæй Франц Украинæйæн ратдзæн 155 мм артиллерион снарядтæ æмæ AASM уæлдæфон бомбæтæ Mirage 2000 хæстон хæдтæхджытæн.

Уымæй уæлдай ма, Франц фæтагъддæр кæндзæн рог танктæ AMX-10RC æмæ VAB бронетранспортерты ласт.

Бæстæ ма фæфылдæр кæндзæн æфсæддон техникæйы рауагъд, цæмæй æххуыс кæна куыд Украинæйæн, афтæ йæхи æфсæддонтæн дæр.