Гуырдзыстоны премьер-министр  Ираклий Гъарибашвилийы  къухдариуæгæй,  хицауады администрацийы  хицауады  рабадт  ацыд.

Хицауады уæнгтæ æртæ  ног фарста æркастысты, кæцыты æхсæн  уыд Гуырдзыстоны  хицауады  барамынды  проект  æнæхæдзар, уæззау уавæрты  цæрæг  бирæзæнæгджын  бинонты æрцæрын кæныны нысанон  паддзахадон программæйы  сбæлвырд фæдыл.

Хицауады администрацийы  информацийæ,   программæйы фæлгæтты  уæззау  цæрæн уавæрты уæвæг  1000-ы онг  бинонтæн, паддзахад  ног  цæрæн хæдзæрттæ адæтдзæн.  Программæйы æмтгæйон  бюджет 50 милуан лари у.

Гуырдзыстоны хицауады ахæлиугонд  информацимæ гæсгæйæ,  программæйы  нысан у  социалонæй цыбыркъух, æнæхæдзары бирæсывæллонджын  бинонтæн фарсхæцыны æмæ сын аккаг цæрæн  уавæртæ  саразын.

«Программæйы бенефициар гæнæн ис  уа  бинонтæ æртæ æмæ фылдæр æнахъом  сывæллонимæ, кæцыйы  алы  уæнг  регистрацигонд сты  социалон лæггады агентады  социалонæй  æнæхъахъхъæд  бинонты  бæрæггæнæнты базæйы. Программæйæ  спайда кæнын сæ бюон уыдзæн   бинонтæн, кæцыты иунæг уæнг дæр нæу регистрацигонд  лигъдæтты, экомигрантты æмæ цæрынæн хъæугæ  æфтиагæй ифтонгады  агентады  лигъдæтты кæнæ экомигрант бинонты  иугонд  электронон  бæрæггæнæнты базæйы. Афтæма, кæд  æнæхæдзар  бинонты уæнгмæ   уæдмæ  паддзахадæй  нæ уыд лæвæрд цæрæн фæзуат кæнæ æмбæлгæ  суммæйæ компенсаци  цæрæн фæхзуат балхæнынæн.  Ацы æмæ æндæр критериты  аргълæвæрды фæстæ  бинонты æрцæрын кæныны  фарста  æмбæлгæ комисси   аскуыддзаг кæндзæн. Программæ 2025 азы  кæронмæ адарддæр уыдзæн. Бинонты æрцæрын кæндзысты Гуырдзыстоны кæцыфæнды администрацион-территорион иуæгты», –  дзырдæуы  хицауады  администрацийы  ахæлиугонд информацийы.