Уæрæсейы паддзахадон пропагандистон телекомпани  «Раша Тудейы»  францагæвзагон  канал сыхгæдтой. Уырыссаг   телекомпанийы фæнысангонд  уынаффæйы фæдыл  райхъусын кодтой, йæ  хынцтыл  Евроцæдисы фидаргонд санкциты тыххæй  хъоды куы сывæрдтой.  Информаци  «Твиттеры» фарсыл   «Раша Тудейы»  францагæвзагон  редакцийы   редактор   Ксения  Федорова  ахæлиу кодта.

«Нæ каналмæ нал ис фадат  уацхæссынад адарддæр кæнын» – фыссы Федорова  «Твиттеры» фарсыл.

Телекмопанийы   прес-релизы   бавдыст у, цæмæй телеканалы  сыхгæды тыххæй  æгуыст баззад  123  кусæг, кæцытæй  77 сты журналисттæ.

Уырыссаг  федералон телекомпани «Раша Тудейы»  уацхæссынад, Уæрæсейы Украинамæ  бырсты фæстæ, бирæ Европаг  бæстæйы æрцыд арæнгонд. Балтийгæрон бæстæтæ  «Раша Тудейы» уацхæссынады   лицензитæ аивдтой.  «Раша Тудейы»  æмæ агентад «Спутникы»  Евроцæдисы  территорийыл куыст 2022  азы мартæй   тобæгонд æрцыд.

Les fonds de RT France sont gelés à la demande de la Direction Générale du Trésor, en raison du 9eme paquet de sanctions qui ne vise pas RT France. Notre chaîne ne peut plus poursuivre son activité. Voici notre communication. pic.twitter.com/aF3JUsqkLl

— Xenia Fedorova (@xfedorova) January 21, 2023