Стамбулы, Уæрæсе-Украинæйы бадзырдты фæстæ, АИШ-ы сенат Конгрессмæ æрсидтис Уæрæсейы ныхмæ санкцитæ сфидар кæна.

Уый фæдыл  демократон сенатор Ричард Блюменталь æмæ республикаг сенатор Линдси Грэм расидтысты.

«Путин адарддæр кæндзæн æхсты фæурæды процесс, цалынмæ йын йæ экономикæйæн серьезон цæф нæ бахæссæм – уый нымæцы финансон изоляци» – райхъусын кодта Ричард Блюменталь.

Линдси Грэм, кæцы ацы къуыри Турчы уыд НАТО-йы фæсарæн хъуыддæгты министрты фембæлдмæ, Конгрессмæ æрсидтис закъонопроект райсынмæ.

«Уæрæсейаг хъæзтытыл ныхас куы цæуа, уæд рæстæг у зæгъынæн: фаг у, фаг у», — загъта Линдси Грэм.

Банысанкæнинаг у, цæмæй 1-æм апрелы Сенаты бавдыст æрцыд дыууæпартион закъонопроект, кæцыйы къухдариуæг кодтой Линдси Грэм æмæ Ричард Блюментал, цæмæй Уæрæсейы ныхмæ санкцитæ снысан кæной, кæд æмæ Кремль Украинæйы АИШ-ы президенты сабырадон тыхархайдтытæ фæкъуылымпы кæндзæн.

16-æм майы æртæ азæй фылдæры дæргъы фыццаг хатт Уæрæсе æмæ Украинæйы æхсæн Стамбулы уагъд æрцыд комкоммæ ныхас.