Турчы  уагъд президентон æмæ парламентон æвзæрстыты æппынфæстаг фæстиуджытæ  19 зæрдæвæрæны    уыдзæн публикацигонд. Турчы  паддзахадон агентад  «Анадолуйы»  информацийæ,  ацытæккæ   бахыгъд кодтой  æвзарæнон фадгуыты  98%-æй фылдæр.

Президентон æвзæрстыты  лидер у  Рекджеб Тайип Эрдогъан, кæцыйæн хъæлæсты  49,24% ис.  Уымæн 26 милуанæй фылдæр адæймаг  схъæлæс кодта. Уыимæ Эрдогъан фембылд ис  æртæ стыр горæты – Анкарайы, Измир æмæ  Стамбулы.

Дыккаг бынатыл  ис  æхсæз оппозицион   партийы   кандидат Кемал Киличдарогълу  -45,06%æй. Уымæн 23 милуанæй  фылдæр  æмбæстаг  схъæлæс кодтой.  Æртыккаг бынатыл  ис Синан Огъан – 5,28%. Уымæн йæ фарс рахæцыд   дыууæ  милуанæй  фылдæр æвзæрстгæнæг.

Парламентон æвзæрстыты, Эрдогънаы  «Рæстдзинады æмæ рæзынады партийæн» ныр  закъондæттæн  органы  266  депутат уыдзæн.  Хицаугæнæг    партийы  фæстиуæг раззаг   æвзæрстытимæ абаргæйæ, фæфыддæрдæри, фæлæ  коалицимæ  бацуæг   партнертимæ иумæ,  Эрдогъанæн  ног  парламенты  323 депутат уыдзæн  æмæ фылдæры   хай нырма нæ  фесафдзæн.

Турчы  хъæлæстæ бахыгъды  процесс ацы  афонмæ  дарддæр кæны.   Партитæн  зылдты  комисситы   фæстиуджытыл бахъаст  кæныны æмгъуыд  16  май  хынцгæйæ  ис,  кæцыты  бæрзонддæр æвзарæнон советы  уæнгтæ  кæсынц.  19  майы та  президентон  æмæ   парламентон æвзæрстыты  æппынфæтсаг   фæстиуджытæ  уыдзæн публикацигонд. Кæд  фæнысангонд фæстиуджытæ нæ фæивдзæн, бæстæйы  президентон æвзæрстыты  дыккаг тур  снысан уыдзæн, кæцы 28   майы  ацæудзæн.