Турчы дыууæ пырхгæнæг зæххæнкъуысты фæстиуæгæн фæмардуæвджыты нымæц 2920-æй ахызт, зиæнттæ райстой 15800-æй фылдæр адæймаг
Турчы хуссар хайы дыууæ куынæггæнæг зæххæнкъуысты фæстиуæгæн фæмардуæвджыты нымæц 2 920-æй ахызт, цæф сты 15 800-æй фылдæр адæмаг. Стихийы фæстиуæгæн фæмардуæвджыты æмæ цæфты фæдыл ранæуæггонд бæрæггæнæнтæ туркаг мдеиа Турчы уæлвæтк уавæрты агентадыл æнцойæ хъусын кæны.
6 февралы боныцъæхыл 7.7 магнитудæйы тыхы зæххæнкъуыст горæт Караманмарашы цур сфиксир ис. Схуыстытæ уыд Турчы 10-ы онг провинцийы, сæ нымæцы Газиантепы, Диарбакиры, Аданайы, Санлиурфайы, Атайы, Малатиа æмæ Килисы. Фæстæдæр бынæттон рæстæгæй 13:24 минутыл сфиксир ис 7,6 магнитудæйы тыхы зæххæнкъуыст.
Турчы вице-президент Фуат Октайы фидиуæнæй, бæстæйы сфиксир ис 243 фæлхатгæ схуыст, кæцыты хайы тых 7 магнитудæйæ бæрзонддæр уыд. Стихий ныппырх кодта 6200-йæ фылдæр бæстыхай.
Турчы президент Реджеб Тайип Эрдогъаны фидиуæнæй, Турчы ныккæрзыд егъау катастрофæ 1939 азы Эрзиджаны зæххæнкъуысты фæстæ.