Фылдæр кæны наркотикты фыдракæндты сконд, карздæр кæнынц æфхæрдтæ, фылдæр кæнынц ахæстоны фæбадыны æмгъуыдтæ.

Ног наркореформæйы фæлгæтты уголовон барадмæ æфтауынц цалдæр ног статьяйы.

Сæрмагондæй, ивæндзинæдтæм гæсгæ, æфхæрд фæкарздæр цæуы æнæзакъонæй кондады, рауадзыны, ласыны кæнæ трансферы, афтæ дæр психотропон буарады, сæ аналогты кæнæ тыхджын буарадты уæй кæныны тыххæй, зайæгой каннабис кæнæ марихуанæ, æндæр наркотикон препараттæ, сæ аналогтæ, прекурсортæ кæнæ ног психоактивон буарадтæ.

Уголовон кодексмæ бафтыдтой 260/1 статья, кæцы хицæн фыдракæндæй бæрæг кæны наркотикон препарат, йæ аналог, прекурсор кæнæ ног психоактивон буарад æнæзакъонæй конд, уадзын, ласын æмæ æрвитын. Снысангонд фыдракæнды тыххæй æфхæрд фæкарздæр кæнынц.

Афтæ ма, Уголовон кодексмæ бафтыд 260/2 статья, кæцы бæрæг кæны психотропон буарад, йæ аналог кæнæ тыхджын буарад, зайæгой каннабис кæнæ марихуанæ, æндæр наркотик, йæ аналог, прекурсор кæнæ ног психоактивон буарад хицæн сконды хуызы дарын кæнæ йæ дарыны æнцонвадат кæнын. Уыцы цауы бæрæггонд фыдракæнды тыххæй æфхæрд фæфылдæр вæййы.

Уæлдæр кæй загътон, уымæй уæлдай ма ногæй фыст цæуы Уголовон кодексы 260/3 статья. Уæлдæр ранымадгонд статьяйы æмбарын кæнынц психотропон буарад, йæ аналог кæнæ тыхджын буарад, зайæгой каннабис кæнæ марихуанæ, æндæр наркотик, йæ аналог, прекурсор кæнæ ног психоактивон буарад хицæн буарадæй уæй кæнын.

Уголовон кодексмæ ма бафтыдтой 261/1 статья дæр, кæцы хицæн фыдракæндæй бæрæг кæны психотропон буарад, йæ аналог кæнæ тыхджын буарад æнæзакъонæй конд, уадзын, ласын кæнæ æрвитын. Ног психоактивон буаргъæдты æнæзакъонæй балхæныны, æвæрыны, кондады, уадзыны, ласыны æмæ æрвитыны фæдыл бæрн фæкарздæр кæны.

Ивæндзинæдтæм гæсгæ, наркотикон препараты, йæ аналогы кæнæ прекурсоры эффект сбæрæг кæныны фæлварæнæй хи аиуварс кæнын, административон закъонхæлдтыты кодексы 45-æм статьямæ гæсгæ административон æфхæрд кæмæн ис, кæнæ та уголовон кодексы 273-æм статьямæ гæсгæ фыдракæндæн тæрхонгонд адæймаг, нымад цæуы ахæм æфхæрдæй – æфхæрд æрцæудзæн 120-æй 140 сахатмæ æмгъуыдæй æхсæнады  пайдайæн  куыст, кæнæ ахæстоны фæбадын иу азы онг æмгъуыдмæ.