Иуæй-иу европæйаг æфсæддон заводтæ æртæ хатты тагъддæр парахат кæнынц сæ рауагъд, Уæрæсе 2022 азы Украинæйы ныхмæ æххæстмасштабон хæст куы райдыдта, уæдæй фæстæмæ, хъусын кæны бритайнаг рауагъдад Financial Times, 1000-æй фылдæр спутникон къамты анализмæ гæсгæ.

Financial Times куыд хъусын кæны, афтæмæй нывты цы объекттæ ис, уыдонæн сæ æртыккаг хай æвдисынц рауæрæхдæр кæныны нысæнттæ кæнæ цæугæ арæзтадон куыстытæ, цæмæй фæуæрæхдæр уа рауагъдад.

«Кæд æмæ 2020-2021 азты 790 мин квадратон километры фæзуатыл уыд арæзтадон архайд, уæд 2024-2025 азты ацы нымæц сырæзт 2,8 милуан квадратон километры онг. Финанс Таймс фыссы.

Рауагъдадмæ гæсгæ, объект, кæцыйы кондад сеппæтæй фылдæр фæуæрæхдæр ис, хауы немыцаг æфсæддон концерн Rheinmetall AG æмæ венгриаг паддзахадон æфсæддон компани N7 Holding-мæ. Иумæйагæй сарæзтой, 155 миллиметрон артиллерион снарядтæ кæм уадзынц, ахæм завод.

Уымæй уæлдай ма, BAE Systems зынгæ фæуæрæхдæр кодта йæ рауагъдад Уэльсы. Ацы заводы 155 миллиметрон артиллерион снарядты рауагъд фæфылдæр уыдзæн 16 хатты.

Financial Times-имæ интервьюйы, хихъахъæнады европæйаг комиссар Андриус Кубилиус банысан кодта, цæмæй Европæйы æрвылазон хæцæнгæрзты рауагъд 2022-æм азы 300 минæй 2025-æм азы дыууæ милуан снарядмæ сырæзт, кæнæ та 6,6 хатты.