Инфраструктурæйы министрады муниципалон размæцыды фонд, Тбилисы УЕФА IV категорийы ног стадионы проект æмæ арæзтады тендер расидтис.

Инфраструктурæйы министрады информацимæ гæсгæ, 70 мин сценæмæкæсæгæн арæзт стадион суыдзæн нырыккон бирæфункционалон аренæ, цыран уагъд æрцæудзысты футболон æмæ регбийы матчтæ, концерттæ æмæ æндæр бынæттон æмæ æхсæнадæмон мадзæлттæ. Стадионы фадат уыдзæн Чемпионты лигæ æмæ æндæр бæрзонд æмвæзады матчтæ ауадзын.

Куыд хъусын кæнынц афтæмæй, стадионы территорийыл плангонд у æхсæнадон центр дæр саразын. Фæнд кæнынц конференц-зонæтæ, равдыстыты залтæ, фæлладуадзæн бынæттæ, музей æмæ базарадон фæзуат сифтонг кæнын.

Ног стадион арæзт æрцæудзæн аэропортмæ хæстæг, Лугары зонад-иртасæн центры фарсмæ. Цæмæй стадионмæ горæты алы къуымтæй тагъд бацæуæн уа, уый тыххæй нывæзт цæуы, бæлццæтты æнцонвадат змæлд чи ифтонг кæндзæн, ахæм ног транспортон узелты проект æмæ арæзтад.

Ног бирæвæрсыг стадионы концепци арæзт цæуы УЕФА-йы эксперттимæ иумæ. Æхсæнадæмон специалисттæ активонæй архайынц проекты алы этапыл дæр, се æхсæн стадионы арæзтады тендеры техникон спецификацитæ бацæттæ кæныны хъуыддаджы дæр. Стадионы концепцийы райрæзтæй суанг йæ кæронбæттæн арæзтады онг проекты архайдзысты эксперттæ.

Стадионы инфраструктурæ æххæстæй æрцæттæ уыдзæн сæрмагонд хъуагдзинæдтæ кæмæн ис, уыцы адæмæн.

«Стадион фæзындзæн ног куысты бынæттæ куыд арæзтады, афтæ эксплуатацийы этапыл дæр. Ног стадионы арæзтад сфидар кæндзæн бынæттон экономикæ, ахъаз кæндзæн туризмы, уазæгдоны бизнесы, хæринаггæнæн æмæ лæггæдты индустрийы рæзтæн.Ног стадионы эксплуатацийы фæстиуæгæн арæзт æрцæудзæн бæстæйы куыд спортивон, афтæ культурон мадзæлттæ ауадзынæн иууыл ахсджиагдæр фæзуæттæй иу», — банысан кодтой министрады.