Гуырдзыстоны националон ботаникон паркъ  уазджытæн рæстæгмæ æхгæд у. Тбилисы мэрийы информацимæ гæсгæ, ацы æскъуыддзаг максималон æдасдзинад сифтонг кæныны тыххæй ист æрцыд.

Администрацийы бæрæггæнæнтæм гæсгæ, бæзджын мит Националон Ботаникон парчы дæргъвæтин историйы иуæй-иу сеппæтæй стырдæр зиæнттæ расайдта. Тыхджын митуард карзæй бандæвта куыд уникалон бæлæсты æмæ зайæгойты коллекцитыл, афтæ ахсджиаг экспонаттыл дæр.

«Арæм чи нæ вæййы, ахæм хъæддаг зайæгойты зынгæ экземпляртæ бахъыгдард сты, кæцы парчы экосистемæйæн æвзæрын кæны серьезон æртхъирæн.

Ныртæккæйы уавæр, специалистты хъуыдымæ гæсгæ, домы уæлдай хъусдард æмæ дæргъвæтин реставрацион процесс. Ацы этапыл парчы администраци æмæ æмбæлон службæтæ сты æххæстæй мобилизацигонд æмæ уæлвæткон режимы кусынц. Зианбаййафæг фæзуæттæ сыгъдæг кæнынц, аргълæвæрд цæуынц тæссагдзинæдтæн, арæзт цæуынц уæлæмхас профилактикон мадзæлттæ, цæмæй уазджытæ æдасæй змæлой.

Зианы масштабмæ гæсгæ процессы архайынц парчы æмбæлон куыстытæ. Специалисттæ къæпхæнгай бæрæг кæнынц, цы зиæнттæ æрхастой, уый æмæ аразынц бæстон пълан сног кæныны мадзæлттæн.

Администрацийы куыд банысан кодтой, афтæмæй стихийы фæстиуджытæ æххæстæй аиуварс кæнынæн бахъæудзæн нысаниуæгджын рæстæг æмæ фæрæзтæ.

Парчы рæстæгмæ сыхгæд у профилактикон уынаффæ, кæцы здæхт у хъахъхъæнынады куыстытæ æнæкъуылымпыйæ ауадзынмæ. Куысты фæуды фæстæ, уыцы бынæттæ, кæцыты ныртæккæ змæлд у арæнæвæрд, цадæггай æрыздæхдзысты сæ æмбæлон куысты режиммæ» – ис фыст Тбилисы мэрийы парахатгонд информацийы.