Гуырдзыстон  æмæ  Евроцæдис дарддæр кæнынц  къуындæг   æмгуыстад æмæ ацы  æмгуыстад, кæй   зæгъын æй хъæуы,  дызæрдыг кæнинаг нæу, фæлæ  тынг   бæрзонд æркуырдтæ  бавдыстам нæхицæн  æмæ    ацы  домæнтæ  сыххæст кæнын нæ бахъом стæм. Алцыппæт уйы  разындис  абоны  рабадтыл, –  уый фæдыл  Гуырдзыстоны   парламенты  хæдбар депутат, Тамар Хулордава, ассоиацидзинады   комитеты  зноны рабадты  фæстæ  медиимæ  ныхасы рæстæджы  загъта.

Йæ ныхæстæм гæсгæ,  зæгъгæ рабадтыл  критикон  аргълæвæрдтæ  уыд сæрмагондæй   демократийы  æрдгæй.

Депутат   комментари сарызта  Гиги Угулавайы   хъуыддаджы  бацахуыргæнæг мисси саразыны  инициативæйы тыххæй дæр, кæцыйæ «Гуырдзиаг Бæллицц» европарламентмæ баздæхт.

«Æвæццæгæн ис  политикон фæнд, хицаугæнæг  бал кæй  айзæлын кодта ацы  инициативæ,  уый тыххæй.   Ахæм контакттæ,  фылдæр бастдзинад,  позицитæ хуыздæр райхалын  дзæбæх у, æрмæст дзы  алцыппæт  ныхасæй райхалæн нæй, уымæн æмæ ацы  ныхæсты  фæстæ та иу  бахъæуынц  конкретон къахдзæфтæ.  Æвзæрстыты  афæдз у,  тынг тæвд   период лæууы æмæ   æнæмæнгхъæугæ сты  конкретон  къахдзæфтæ  хицауады æрдгæй»,-  райхъусын кодта  Тамар Хулордава.

Гиги Угулавайы  хъуыддаг бацахуыргæнæг  миссийы саразыны инициативæйæ  Европарламентмæ  «Гуырдзиаг Бæллиццы» делегаци,  сæрмгаондæй  та,  Каха Каладзе  басидтис.

Фæстæдæр   «Европаг Социалистты  Парти»  ахæлиу кодта  куырдиат, кæцыйы мидæг банысангонд у, разы  кæй  у  инициативæимæ, ома Гиги Угулавайы   хуъыддаджы дарддæры  равзарыны  нысанæй,   Гуырдзыстонмæ æрвыст æрцæудзæн  европарламенты  сæйраг  политикон къордты  минæвар парламентартæй  фактыты  бацахуыргæнæг  мисси.