Сомихы хицауад нæ нымайы испайнаг медийы хъусынгæнинæгтæ, Сюникы уылты транспортон фæндаг АИШ-мæ 99 азы дæргъы кæй ахызтысты, уый тыххæй.

Сомихы хицауады рапарахатгонд фидиуæны ис фыст, цæмæй публикаци, кæцыйы иуæй-иу медийы æрдыгæй ног хабæртты хуызы æвдыст цæуы, фактонæй у гибридон хæсты æмæ манипуляцион пропагандæйы ноджы иу равдыст.

«Уæлдæр банысангонд æрмæгæн ницы бастдзинад ис реалондзинадимæ. Сомихы  позицитæ регионалон транспортон инфраструктурæйы æнæблокировкæйы фæдыл ирдæй нысангонд сты проект «Сабырдзинады тигъыл».Ацы фарстыл лæмбынæг æрдзырдта премьер-министр Никол Пашинян ацы азы 16 июлы уагъд пресс-конференцийы «Сидæм æхсæнадмæ æмæ медимæ, цæмæй ма парахат кæной ахæм дезинформаци æмæ спайда кæной æрмæст официалон æмæ æууæнкджын æрмæгæй», -ис фыст Сомихы хицауады рапарахатгонд фидиуæны.

Зæрдылдарæнæн, испайнаг рауагъдад хъусын кæны, цæмæй Сомихстон, Азербайджан æмæ АИШ-ы æхсæн бадзырдтой меморандумыл, кæцыйы нысангонд у афтæ хуынæг Зангезуры къæлидоры къухдариуæгад америкаг компанийы æрдыгæй.