Мах райстам уынаффæ, адарддæр кæндзыстæм зæххыты системон регистраци – уый фæдыл Гуырдзыстоны премьер-министр, Ираклий Къобахидзе хицауады рабадтыл расидтис.

Хицауады сæргълæууæджы ныхæстæм гæсгæ, ис ахæм æмбæстæгтæ, кæцытæн нырма нæ бантыст сæ зæххытæ срегистраци кæнын æмæ сын фадат уыдзæн сæ зæххы хæйттæ лæвар срегистраци кæнын 2025 азы кæронмæ.

«Систематон зæххы регистраци у иуæй-иу нысаниуæгджын реформæ, кæцы æххæстгонд æрцыд. Бузныг юстицийы министрадæн, тынг нысаниуæгджын фæстиуджыты тыххæй, кæцытæ нæм ныридæгæн ис. Куыд зонут, афтæмæй ацы реформæйы фæлгæтты сбарстой 1,5 милуан зæххы фадыг æмæ регистрацигонд æрцыд 1 милуан. Уый фæстиуæгæн милуан адæймагæй фылдæр систы хицæуттæ. Æрвылбон барæнтæ æмæ фыст цыдысты 3500-йæ 4000 зæххы хайы онг. Нæ цæстытыл ауайын кæнæм, ацы здæхты егъау куыстытæ куыд конд æрцыдысты, уый. Уый у тынг нысаниуæгджын инициативæ, кæцыйы хъæуы кæронмæ бахæццæ кæнын. Уымæ гæсгæ мах райстам уынаффæ, цæмæй адарддæр кæнæм зæххыты системон регистраци. Ис ахæм æмбæстæгтæ, кæцытæн нырма нæ бантыст сæ зæхх срегистраци кæнын, æмæ сын фадат уыдзæн сæ зæххы хæйттæ срегистраци кæнын бынтон лæвар 2025 азы кæронмæ. Ноджы иу хатт бузныг зæгъын юстицийы министрæн ацы иттæг нысаниуæгджын инициативæйы тыххæй», – расидтис премьер-министр.