Патриархийы Сыгъдæг Синоды рабадт фæцис.

Синоды уæнгтæ æхсæз претендентæй  æртæ кандидаты æвзæрстой Патриархы бынатмæ.

Патриархы кандидаттæ сты:  Шио (Муджири), Мровели-Урбени Иобийы митрополит (Акиашвили), Поты æмæ Хобийы митрополит Григол (Бербичашвили).

Сусæг хъæлæсæппæрсты фæстиуæгæн, кандидатты хъæлæстæ дихгонд æрцыдысты афтæ: ныртæккæйы уæвæг Шио райста 20 хъæлæсы, иннæ дыууæ кандидатæй алчидæр 7 хъæлæс райста.

Уымæй дарддæр ма, Патриархийы æхсæнадимæ бастдзинады куысты къухдариуæггæнæг, Андрия Джагмаидзейы ныхасмæ гæсгæ, гæнæн кандидатты æхсæн уыдысты: Цалкейы епископ Григол Кациа, Бельгийы æмæ Нидерландты епископ Доситеос, Маргветы æмæ Убисы епископ Мелкиседек.

Уæрæхгонд аргъуаны совет фæстагмæ сусæг хъæлæсæппæрстæй равзардзæн патриархы æртæ кандидаты æхсæн.

Уæрæхгонд аргъуаны советы Католикос-Патриархы равзæрсты тыххæй хъæлæс кæныны хайад исынц æрмæстдæр патриархтæ. Кандидат, кæцы советы хайадисæг патриархты хъæлæсты æрдæгæй фылдæр райсдзæн, æппæт Гуырдзыстоны Каталикос-Патриархæй æвзæрстгондыл нымад æрцæудзæн.

Уæрæхгонд аргъуаны совет хъуамæ уагъд æрцæуа 17 маймæ.