Фæстаг бонты цауты фоныл нæ адæмы сæйраг фидиуæн, кæцыйыл цæрджытæ схъæлæс кодтой æвзæрстыты, – Гуырдзыстон хъуамæ суа Евроцæдисы уæнг намысимæ, сабырдзинад æмæ дидинæфтыдимæ – тыхмийы хъæлæбайы фесæфт протесттæ, – расидтис Гуырдзыстоны парламенты сæрдар Шалва Папуашвили брифингыл.

Папуашвилийы ныхасмæ гæсгæ, «растдæр ацы хъусынгæнинаг хицæн кæны нæ æддаг политикæ оппозицийы дзæгъæлы, мæнг эмоцион æмæ хъæлæбаг кампанийæ».

«Мах амондджын стæм гуырдзиаг æвзарджытæн, кæцытæ нæ равзæрст федтой, баууæндыдысты ныл æмæ нæ фарс рахæцыдысты. Ацы æууæнк нæ фæфыдæнхъæл кæндзыстæм. Абоны онг æмæ фидæны дæр бацархайдзыстæм оппозицион æвзарджытæн равдисын нæ рæстдзинад, цæмæй йæ абарой сæ равзæрст партиты æнæхæстæг æмæ æнæбæрнон митимæ», — загъта уый.

Папуашвилийы ныхасмæ гæсгæ, сабырадон протесты равдыст бынтондæр сæрибар у æмæ пъæлицæйæгтæ архайын райдайынц æрмæстдæр уæд, кæд æмæ полицийæгтæм бырсын райдайынц. Йæ ныхасмæ гæсгæ, тыхмидзинад радикалон партиты организгонд уыд.

«Уый тыххæй фынгыл лæууы иунæг æмбæлон альтернативæ. Алчидæр хъуамæ æрыздæха паддзахадон æмæ конституцион фæзуатмæ, не сразы уа æнæхъуаджы быцæудзинад æмæ агрессийыл, кæцы зиан хæссы æмбæстæгтæн æмæ адарддæр кæна партион архайд закъонмæ гæсгæ.

Ацы уæззау рæстæг сабыр æмæ хъаруджынæй ацæудзыстæм, цалынмæ сабырдзинадмæ нæ бахæццæ уæм, уæдмæ. Уый размæ, куыд зонут афтæмæй, парламент афæдзы кæронмæ хъуамæ сæххæст кæна цалдæр нысаниуæгджын хæслæвæрд, хъæуы сбæлвырд кæнын бюджет, æвзæрст æрцыд ног президент, мах сæххæст кæндзыстæм ацы план методонæй æмæ æнæфæцудгæйæ», – расидтис Папуашвили Шалва.