Бирæ демонстрацитæ, митингтæ федтам, æмæ маскировкæгонд демонстранттæ куы уыд, уæд алы хатт дæр æвзæрын кодта фарстатæ ахæм адæймæгты мотивацийы фæдыл. Ахæм регуляцитæ кусынц куыд Евроцæдисы бæстæты фылдæры, афтæ дæр АИШ-ы, кæцыйы идея у хуымæтæг – адæймæгты сбæрæг кæнын гæнæн уа, – уый фæдыл Гуырдзыстоны парламенты сæрдар Шалва Папуашвили брифингыл журналисттæн расидтис.

Папуашвилийы ныхасмæ гæсгæ, къухдариуæггæнæг къорд æххæст кæны сеппæтæй хуыздæр практикæтæ æмæ сеппæтæй рогдæр регуляцитæ Евроцæдисы бæстæты, цыран арæнæвæрдтæ æрмæст æмбырдты рæстæджы кусынц.

«Адæймаг æмбæхст куы вæййы æмæ куы æнкъары, цæмæй йæ идентификаци зын у, уæд уый у ныфсджындæр закъонхалыны æмæ агрессийы. Уымæ гæсгæ мах æххæст кæндзыстæм хуыздæр практикæтæ, кæцытæ ис Европæйы, райсдзыстæм иууыл рогдæр регуляцитæ. Евроцæдисы бæстæтæй иуæй-иутæн ис ахæм уагæвæрдтæ, кæцыты æхсæнады цæсгом æмбæрзын тобæгонд у, мах æххæст кæнæм рогдæр уагæвæрдтæ уыцы бæстæты, цыран ахæм арæнæвæрдтæ æрмæстдæр æмбырдты рæстæджы æххæст кæнынц. Уый у сæйраг хъуыды. Мах æххæст кæнæм хуыздæр практикæтæ æмæ æппæты рогдæр уагæвæрдтæ, кæцытæ æххæстгонд цæуынц Евроцæдисы бæстæты.

Цыдæриддæр та уый техниконæй æрæвæрыны фарстамæ та ацы къуыри æруынаффæ кæндзыстæм, уый нымæцы пиротехникæйы регуляцийы фарстатæ, импорт æмæ уæй кæныны фарстатæ, кæцытыл рагæй дзырдтой. Се ‘хсæн раздæры æрсидты парламенты дæр æмæ ацы мадзæлттæ нын равдыстой, цас нысаниуæгджын у ацы фадыджы организаци кæнын», – расидтис Папуашвили Шалва.

Гуырдзыстоны премьер-министр, Ираклий Къобахидзе знон расидтис: «Мах райсдзыстæм ахæм закъон, кæцы ассамблейы хайадисджытæн, се æхсæн контрæмбырды хайадисджытæн дæр æндæр æмæ æндæр фæрæзтæй цæсгом æмбæрзын нæ уыдзæн».