“2008 азы нæм уыд марионетон режим Иугонд Националон Змæлды æмæ Михаил Саакашвилийы хуызы. Кæй зæгъын æй хъæуы, ацы марионетон режим архайдта æрмæстдæр æндæрты интерестæм гæсгæ æмæ Гуырдзыстоны интерестæй разамынд нæ лæвæрдта”, – загъта Гуырдзыстоны парламенты сæрдар Шалва Папуашвили Мухатгвердийы æфсымæрон уæлмæрды. Папуашвилийы ныхасмæ гæсгæ, кæд æмæ 2008 азы хицауад «Националон змæлды» марионетон хицауад нæ уыдаит, фæлæ «Гуырдзиаг бæллиццы» хуызæн патриотон хицауад, уæд хæст нæ уыдаит. «2008 азы нæм уыд марионеткæйы режим «Иугонд националон змæлды» æмæ Михаил Саакашвилийы хуызы. Кæй зæгъын æй хъæуы, ацы режим архайдта æрмæстдæр иннæты интерестæн лæггад кæнынæн, æмæ Гуырдзыстоны интерестæн нæ. Уый фæстиуæг уыд августы хæст. Федераци Дунейы Базарадон Организацимæ Цыфæнды амынддзинæдтæ куы райстаиккой, кæй интерестæ ма уыдаиккой – уыдон афтæ архайдтой. Уый у хицæндзинад марионеткæ æмæ патриотон режимы æхсæн.

Æцæгæй та фарст уый мидæг нæй, æмæ хæст кæд райдыдта, чи йæ райдыдта, фæлæ цæмæн райдыдта хæст. Ахæм фарстæй йæхи аиуварс кæныныл архайы «Националон змæлды» криминалон режим. Ацы фарстæн дзуапп ныридæгæн ис – уый радта 2022 азы истори, Гуырдзыстоны хæст куы нæ райдыдта, уæд. Уый у дзуапп. 2022 азы хæст дæр гæнæн ис æмæ райдайа иу бонмæ. Уымæ гæсгæ, ахæм тæссагдзинад куы уа, уæд паддзахад æмæ хицауад хъуамæ архайой националон интерестæм гæсгæ, æндæр бæстæты интерестæн ма лæггад кæной. Кæд æмæ 2008 азы хицауад «Националон змæлды» марионетон хицауад нæ уыдаит, фæлæ «Гуырдзиаг Бæллиццы» æнгæс патриотон хицауад, уæд хæст нæ уыдаит, 400-йæ фылдæр мард нæ уыдаит, 1700-йæ фылдæр цæф, 125 цæрæнуаты контролы фесæфт нæ уыдаит. Ацы фарстæй лидзынц Националон Змæлд æмæ сæ меценаттæ: цæмæн райдыдта хæст 2008-æм азы æмæ цæмæн нæ райдыдта 2022-æм азы», -расидтис Папуашвили Шалва.

Папуашвили Шалва Мухатгвердийы æфсымæрон уæлмæрды хъайтарты мемориалмæ дидинтæ сæвæрдта æмæ хæсты фæмардуæвæг æфсæддонты бинонтæн тæфæрфæс расидтис.