Брюссель иттæг хорз зоны, цы хъæуы саразын ахастытæ фæхуыздæр кæнынæн. Евроцæдисы бюджетæй Гуырдзыстоны тыхмидзинад, пропагандæ, æнæуынондзинады ныхас æмæ æвзæрстыты хъыгдард финанс кæнынæн ма хъуамæ спайда кæной. Æнхъæлмæ кæсæм æмбæлон къахдзæфтæм – уый фæдыл Гуырдзыстоны парламенты сæрдар Папуашвили Шалва расидтис.

Папуашвилийы бафарстой Евроцæдисы уæрæхдæр кæныны фæдыл комиссар Марта Косы расидæны фæдыл, кæцыйы раисдæн Радио Сæрибардзинадимæ интервьюйы рæстæджы уый загъта: «Мæ зæрдæмæ нæ цæуы, хицауад адæмы куы нæ нымайы. Гуырдзыстоны адæмæн стыр фæндон ис европæйаг фæндагыл цæуын. Мах адарддæр кæндзыстæм ацы хъуыддагыл кусын. Европæйаг аргъдзинæдтæ.

Папуашвили куыд банысан кодта афтæмæй, Брюссель проблемæтæй æмбæхсы æмæ сæм йæ хъус нæ дары.

«АИШ-ы ног администраци фæсарæйнаг æххуысæй пайда кæныны зианхæссæг практикæтæ куы раргом кодта, уæд нæ æнхъарæнтæ уыдысты, цæмæй Евроцæдис дæр критиконæй æркæсдзæн, куыд баст сты Евроцæдисы æхца æндæр бæстæты, се æхсæн Гуырдзыстоны æндæр æмæ æндæр зианхæссæг процессты финанскæнынады. Мах базыдтам, цæмæй радикалон партитæ финансгонд цыдысты Евроцæдисы бюджетæй, кæцы закъонæй тобæгонд у. Пропагандистон фæрæзтæ финансгонд цыдысты Евроцæдисы бюджетæй. Уыцы адæм, кæцытæ Евроцæдисы бюджетæй мызд исынц, æз дзурын алыгъуызон æнæхицауадон организациты активисттыл, парахат кæнынц æнæуынондзинады ныхæстæ æмæ æгаддзинад, архайынц адæмы кæрæдзийы ныхмæ æвæрыныл. Æппæт уыдæттæ Брюсселы критикон анализ хъæуы æмæ уымæ æнхъæлмæ кæсы гуырдзиаг адæм Брюсселы æрдгæй. Адон сты уыцы къахдзæфтæ, кæцытæ хъæуы саразын, цæмæй Брюссель йæ ахастытæ гуырдзиаг адæмимæ раздахой уыцы æмвæзадмæ, кæцымæ æнхъæлмæ кæсæм. Хъыгагæн, ныридæгæн нæ федтам ацы хъуыддаджы æскъуыддзаггæнæг къахдзæфтæ. Мах уынæм, цæмæй Брюссель фылдæрæй фылдæр æмбæхсы проблемæтæй æмæ йæ цæст нæ æхгæны, АИШ-ы ног администраци куыд сарæзта, афтæ. «Цыфæнды ма æмбæхса Брюссель, низ йæхи нæ бамбæхсдзæн, æмæ уыцы зианхæссæг практикæтæ, кæцытæ уыдысты, фæстагмæ раргом уыдзысты, зиан æрхæсдзысты Евроцæдисы репутацийы йæхæдæг, уый нымæцы гуырдзиаг адæмы цæсты дæр» – расидтис Папуашвили.