Сомихыстоны   парламент  бæстæйы премьер-министртæй  снысан кодта  бæстæйы раздæры президенты  Серж Саргсяны.  105 уæнгджын  закондæттæг органы  Серж Саргсяны  премьерæй снысан кæнынæн  йæ фарс рахæцыдысты  77 депутат,  18 та  йæ ныхмæ схъæлæс кодтой.

Сомихыстоны   конституцимæ гæсгæйæ,   премьер-министр фондзбонон  æмгъуыдмæ хъуамæ  бавдиса   министрты кабинеты  сконд.

2015 азы  сæххæст конституцион реформæйы  фæстиуæгæн,  Сомихыстон  президентонæй,  парламентон  фхицауиуæгы  моделмæ ахызт. 9 апрелы  Сомихыстоны  президент Армен Саргсяны  инаугураци ацыд. Армен Саргсян ссис Сомихыстоны фыццаг   президентæй,  кæцыйы  цæрджыты  бæсты,  сывзæрста бæстæйы парламент – националон  æмбырд. Инаугурацийы фæстæ   уайтагъд,  Сомихыстоны  Республикаг парти  премьер-министры  постмæ  раздæры  президенты  Серж Саргсяны  кандидатурæ  бавдыста.

Серж Саргсян Сомихыстоны  президент  уыдис  2008-2018 азты.  Уый иу  афæдзы  дæргъы   Сомихыстоны   хицауады   сæргълæууæг уыд,  ахста хъахъъæнынады  министры  пост дæр.