Нæй легитимон парламент, кæцы ног президенты равзардзæн, уымæ гæсгæ æз баззайын уæ президентæй – расидтис Гуырдзыстоны президент, Саломэ Зурабишвили.

Зурабишвили куыд банысан кодта, афтæмæй уый уыдзæн ныры политикон процессты сæргъы.

«Æз уыдзынæн ацы политикон процессы сæргъы, баззайдзынæн уæ президентæй. Нæй легитимон парламент. Æнæлегитимон парламентæн нæй гæнæн равзара ног президенты, нæй гæнæн уа инаугураци æмæ мæ мандат дарддæр кæны, цалынмæ нæ уа легитимонæй æвзæрст парламент, кæцы легитимонæй равзардзæн искæй мæ бæсты. Æз демæ дæн æмæ уыдзынæн. Уæдæ о», -расидтис Саломе Зурабишвили