Гуырдзыстоны президент Саломе Зурабишвили Гуырдзыстоны минæвæрттæн дипломатийы бон нæ арфæ кæны.

Уый фæдыл Саломэ Зурабишвили социалон хызагы ныффыста. Текст æнæивгæйæ æвдисæм:

«Дипломатийы бон уын раарфæ кæнын мæ бон нæу!

Нæкæсгæ  уымæ   æмæ 20 азы размæ мæ хъæппæрисæй снысан ис ацы ахсджиаг датæ, кæцы баст у  Сулхай  Саба Орбелианийы  ном æмæ  йæ  архайдимæ æмæ  раст ахæм  юбилей хъуамæ бæрæгбон кæниккам сæрыстырæй!  Уæлдайдæр  Сулхан Саба  нæ  еврпæйаг   тырнынадты  иуæй-иу сæйраг фигурæ  куы  у. Европæйаг  фæндаджы, кæцымæ  баххæсдзыстæм æрмæстдæр дипломатийы фæрцы.

Фæлæ нæй, Фæлæ нæ, нæдæр арфæйы фæндон æмæ  нæдæр сæрыстырдзинады æнкъарæн нæй! Абон тынг æфсæрмы хъуам  кæнæм йæ кой скæнын, хицауад рагæй æнхъæлмæкæсинаг европæйаг фæндагæн йæ бын  куы къахы, дипломатты фылдæр хай æнæдзургæйæ  куы æмбæлынц Уæрæсейы æрдæм арæзт къахдзæфтыл æмæ протест кæнын дæр  не ууæндынц.

Ацы рæстæжы, сымах, ныххъусуæвæг  Гуыдзыстоны минæвæрттæ  куы  бадут  Брюсселы, Вашингтоны  æмæ ма ноджы  цалдæр Европаг  сæйраг сахарты æмæ  цæй  тыххæй??? Уæ  куыстæй  уæхи суæгъд кæнын  куы  нæ  æууæндут,  нæдæр  исты  ысдзурын, кæнæ  хъаджы  хъуыды  сфиксир кæнын, уæд ма  цæмæн стут?   Афтæ  тæрсут?!

Цæй фарн, цæй кад, цæй профессионализм? … Сабырдзинадæн тæссаг у, бæстæ дипломатимæ куы нæ арæхсы, уæд! Сæрибардзинадæн тæссаг у, паддзахадæн чи лæггад кæны, уыдон сæхи аууонæй тæрсгæ куы кæнынц, уæд! Æмæ хæдбардзинадæн тæссаг у, нæ партнертæм фæдисы сигналтæ чи хъуамæ ‘рвита, уыдон Уæрæсейы гибридон архайдтытæ куыд нæ бафиппайынц! Дурæй фестадысты, фæтар сты, минæварадты, цыма  сырды хуынчъыты æмбæхст,  афтæ, сæ хъæлæс сын куыд ничи фехъуса афтæ , иммигранттæн æвзæрстытыл схъæлæскæныны конституцийæ хъахъхъæд бар дæр нæ бахъахъхъæдтой, æмæ æмбæхсынц… Æрмæст сын  сæ уæвынад мачи хъуыды кæнæд!

Истори уын нæ ферох кæндзæн, æмæ ныууадзут  Сулхан Сабæйы! Йæ кой  куы  кæнут уый уын  нæ  баххуыс уыдзæн, фæлæ  уымæй  æрмæст  йын  йæ ном æгад  кæнут!», – фыссы Саломе Зурабишвили.