Уый тыххæй  цæмæй æвзæрстытæ нæ сырæзтысты, ногæй ницы ис саразæн, нæдæр парламентæн, нæдæр хицауадæн, нæдæр президентон æвзæрстытæн, – расидтис Гуырдзыстоны президент, Саломэ Зурабишвили абоны брифингыл.

Зурабишвилийы ныхасмæ гæсгæ, йæм ис пълан, куыд хъуамæ ахиза бæстæ ног æвзæрстытæм.

«План у ахæм, бæрæг у, ног æвзæрстытæ, æвзæрстытæ куы нæ сырæзтысты, уæд ацы æвзæрстытæ куыд гæнæн ис, афтæ тагъддæр сфæлхатт кæнын хъæуы, мæнæ ацы фарстыты æрбæстон кæныныл аразгæйæ, æнæ кæцытæй ног æвзæрстытæ ауадзынæн пайда нæй . Фыццаг хъуыды – ис æхсæнадæмон фæдагуырд, нæу æхсæнадæмон партнертæн, цæмæй нын зæгъой, цы мах зонæм тынг хорз, цæмæй æвзæрстытæ нæ сырæзтысты, уый хъæуы сбæрæг кæнын æмæ сбæлвырд кæнын системон хъæндзинæдтæ, кæцытæ уыдысты, кæд нæ фæнды райсын ног, рæстаг, сæрибар æмæ æнæфæлывд æвзæрстытæ, махæн хъуамæ уа нæ бон ног æвзарæнон администрацийы æрбакæнын, æвзæрстыты кодекс аивын уыцы здæхты æмæ уыцы хъусынгæнинæгтимæ, кæцытæ уыдысты OSСЕ/ОDIHR-æй хатæн. Афтæ дæр, фæсарæнты участоктæ байгом кæныны процедурæтæ ауадзынæй æмæ, уыцы-иу рæстæг, æвзарæнон быцæутæн сæрмагонд быцæуаг тæрхондон саразгæйæ. Бæллиццаг у, цæмæй ацы цауты баст уой нæ фæсарæйнаг партнертæ. Дыккаг пункт у 26-æм октябры онг уæвæг политикон уавæрты адарддæр, цалынмæ æвзæрстытæ нæ уагъд цæуой, уæдмæ ногæй ницы арæзт уыдзæн, нæдæр парламент, нæдæр хицауад, нæдæр президентон æвзæрстытæ. Дарддæр кæнæм уæвæг парламент, хицауад æмæ суанг президентимæ, цæмæй ног æвзæрстыты агъоммæ ацы ивæн период уа максималонæй стабилон. Уымæ гæсгæ никæй ахсæм, никæй аппарæм. Нæй ахæм стабилон бæстæ, цы ран йæ цæрджыты фæндон æвзæрстыты ма æвдыст цæуы», – расидтис Зурабишвили.