Хорз у лæууын, фæлæ ноджы хуыздæр у бацæттæ кæнын, цы нæ хъæуы сомбонмæ кризисæй рацæуыны фæндаг у сæрибар æвзæрстытæ – Гуырдзыстоны раздæры президент, Саломэ Зурабишвили, уый тыххæй загъта Зугдиды, цыран æрæмбырдуæвæг адæммæ раныхас кодта.
Уый загъта, зæгъгæ, хъæуы саразын ног партитæ, кæцытæ æвдисынц, абон цы ног Гуырдзыстон райгуыры, уый.
«Алыхуызондзинад у ацы бæстæйы тых, фæлæ æцæгæйдæр хъæуынц ног партитæ, кæцытæ æвдисынц уыцы ног Гуырдзыстон, кæцы абон райгуыры», – райхъусын кодта Саломэ Зурабишвили.
Уый загъта, зæгъгæ, хъæуы цæттæдзинад æмæ уый хъуамæ ма æргъæвд æрцæуа райсоммæ.
«Мах хъуамæ нæхи æнæцæттæйæ ма ссарæм иннæ æвзæрстытæм». Сæрмагондæй æз æппæт мæ тыхтæй кусын, цæмæй æрфидар кæнон уавæртæ, кæцытæ уыдзысты минималон уавæртæ, цæмæй мах, сымах æмæ алчидæр уырна, цæмæй æвзæрстытæ æцæгæйдæр уыдзысты сæрибар æмæ æдас. «Кæд æмæ нæ фæнды сабырад, сæрибардзинад æмæ демократи, уæд уыдон сты æвзæрстытæ, хорз цæттæгонд æвзæрстытæ, кæцыты кæронмæ хъахъхъæндзыстæм», – расидтис Саломэ Зурабшвили.
Уый загъта, цæмæй оппозици 2024 азы 26 октябры æвзæрстытæм куыд æмбæлы, афтæ нæ бацæттæ кодта.
«Мах иттæг хорз зонæм, раздæры æвзæрстытæ æрмæст ахæм вазыгджын методтæй кæй нæ фальсификаци кодтой, кæцытæ æрмæстдæр бæстæйы æддейæ æрхъуыды кæнæн уыд, фæлæ ма раст у, куыд æмбæлы, афтæ кæй нæ бацæттæ кодтам». Уырныдтам, нæ нымæцæй фылдæр кæй уыдыстæм, уый раст у, æмæ нæ уырныдта, кæй фæуæлахиз уыдзыстæм. Ныр хъуамæ ныфсджын уæм, фæлæ ма хъуамæ уæм цæттæ дæр. Уый у нæ хæс, уæ хæс, мæ хæс. «Мах стæм иумæ ацы тохы, ацы сабырадон тохы æмæ æцæгæйдæр иумæ фæуæлахиз уыдзыстæм», – расидтис Саломэ Зурабишвили.