Ай у ныхмæлæуды змæлд æмæ æз уыдзынæн президент кæронмæ, æз дæн иунæг легитимон институт – уый фæдыл Гуырдзыстоны президент, Саломе Зурабишвили оппозицийы минæвæрттимæ иумæ Орбелианы галуаны уагъд брифингыл расидтис.

Зурабишвилийы ныхасмæ гæсгæ, уый иунæг у, кæцыйæн ис бар гуырдзиаг æхсæнады номæй дунеимæ ныхас кæна.

«Абон æз афтæдæр фæхуыдтон политикон партиты, æндæр æмæ æндæр змæлдтытæ, кæцытæн сæ бон уыд ардæм æрцæуын, уымæн æмæ зонын, цæмæй бирæ æнæхицауадон организацитæ сты уынгты акциты, адæм спонтанонæй рацæуынц. Æз бахатыдтæн политикон партитæм, цæмæй ныр рæстæг нæу – мæнæн ис мæ фæндаг, мæ цæстæнгас, мæнæн ис мæ бæллицтæ, æппæт дæр фæцис. Абон мах æмбæлæм ацы зындзинадыл, кæнæ иумæ стæм, кæнæ нæ стæм. Уый уыдзæн нæ бæрндзинад, æмæ æз уыдзынæн семæ, сымахимæ, цас уыдзысты иугонд, иумæ хæсдзысты координиргонд уынаффæтæ. Ничи куры политикон партитæй, цæмæй æвиппайды иу парти суой, Хуыцау бахизæд. Мах нал фæнды иупартион системæ æмæ дзы фæстагмæ фервæздзыстæм. Абон нӕ хъӕуы ӕмхуызон ӕмӕ раст уынаффӕтӕ хӕссын. Ай у ныхмæлæуды змæлд æмæ кæронмæ уыдзынæн президент. Æз абон дæн ацы бæстæйы иунæг легитимон институт, æз дæн ацы бæстæйы иунæг легитимон минæвар, æз дæн иунæг ахæм, кæцыйæн ис бар нæ æхсæнады номæй дунейæн дзурын. Æз æй сараздзынæн æмæ ам уыдзынæн кæронмæ, лæудзынæн сымахимæ æмæ æхсæнадимæ», – расидтис Саломэ Зурабишвили.