Националон статистикæйы куысты бæрæггæнæнтæм гæсгæ, афæдзы инфляцийы равзæрдыл сæйраг æндæвдад уыд хæлцадон æмæ æнæалкоголон нозты æргъты ивд. Къорды æргътæ сырæзтысты 11,7 процентæй, кæцы æрвылазон инфляцийы 3,88 процентон пунктæй фæбæрæг ис.

Дыргътæ æмæ сæнæфсиры æргътæ фæфылдæр сты 21,0 проценты, халсартæ æмæ цæхæрадоны продукттæ фæзынаргъдæр сты 19,4 проценты, сæкæр, джем æмæ æндæр адджинæгтæ – 17,2 проценты, кæсаг – 16,9 проценты. Сой æмæ ссадæн æргътæ фæфылдæр сты 13,9 проценты. Дзул æмæ дзулфыцæн продукцийы аргъ фæфылдæр 12,4 проценты, минералон æмæ суадоны дон, æнæалкоголон нозт æмæ натуралон дæттæ – 10,4 проценты, къофи, цай æмæ какаойы – 10,2 проценты, æхсыр, цыхт æмæ æйчытæ – 8,1 проценты, дзидза æмæ фыдызгъæлы продукттæ та – 49 проценты;

«Æнæниздзинадхъахъхъæнынад: Æргътæ къорды сырæзтысты 8,9 процентæй, кæцы æвдыст æрцыд афæдзон инфляцийы бæрæггæнæныл 0,75 процентон пунктæй.Æргътæ сырæзтысты амбулаторон медицинон лæггæдты дæлкъордты (9,3 проценты), рынчындоны лæггæдты (9,2 проценты) æмæ медицинон продуктты, кусæнгæрзты æмæ аппаратты (8,0 проценты);

Карз нозт, тамако: Къорды æргътæ фæфылдæр сты 5,6 проценты. Уымæ гæсгæ къорды хайбавæрд афæдзы индексмæ уыд 0,36 процентон пункты. Æргътæ фæфылдæр сты куыд тамакойы продукттæн (7,2 проценты), афтæ карз нозтæн дæр (3,9 проценты)», — дзырдæуы «Геостат»-ы хыгъдлæвæрды.