Статистикæйы национ куысты   информацийæ,  2022 азы  апрелы  раззаг мæйимæ абаргæйæ   инфляцийы  æмвæзад  Гуырдзыстон 1.8%, æрмæст афæдзон инфляцийы æмвæзадта  12,8%  бæрц  уыд.

Базисон  инфляци, Сакстаты  хъусинагæй,   2022 азы  апрелы   ивгъуыд азы аналогион периодимæ абаргæйæ, 5.0 проценты бæрц уыд, æрмæст тамакойæ  цух,  афæдзон  базисон  инфляцийы бæрæггæнæн 5.7 проценты  онг райрæзтис.

«Æрвылмæййон инфляцийы  бæрæггæнæны  сæвзæрдмæ  сæйраг æндæвдад уыд  æргъты  ивд  ахæм къордтыл: хæлцад æмæ æнæалкоголон ныуæзт: 3.3%, кæцы  мæйы инфляцийыл 1.11%  пунктæй  фæзындис.  Æргътæ райрæзтысты  ахæм дæлкъордтыл: халсар (9.0%), зети æмæ  сой(7.4%), дзул æмæ  дзулпродукттæ(4.7%), кофи, цай æмæ какао (4.1%), кæсаг(3.5%), дыргъ æмæ сæнæфсир (3.2%), фыд æмæ фыды продукттæ(2.2%), сæкæр, джем æмæ æндæр адджинæгтæ (1.8%);

Транспорты  къордмæ хауæг  æргътæ райрæзтысты 3.7 %,  кæцы 0.46  процентон пунктæй  фæзындис  æмтгæйон   индексы рæзтыл. Æргътæ  райрæзтысты транспортон лæггадыл (4.6%) æмæ хисæрмагонд  транспортон  фæрæзты эксплуатацийыл (3.9%);

Дарæс æмæ къахы дарæс: къорды сфиксир ис  æргъты  4.9 процентон  рæзт, кæцы  мæйы инфляцийыл 0.17% пунктæй  фæзындис. Æргътæ райрæзтысты   куыд къахыдарæсы (9.5%) афтæ   уæлæдарæсы (2.9%) дæлкъордты» – банысангонд у  Сакстаты публикацигонд  бæрæггæнæнты.