Националон статистикон куысты бæрæггæнæнтæм гæсгæ, 2025-æм азы Гуырдзыстоны удæгасæй райгуырды нымæц 37 867 сывæллон уыд, се æхсæн 19 856 лæппу æмæ 18 011 чызг. Ацы бæрæггæнæн фаронимæ абаргæйæ фæфылдæр 4,1 проценты.

Алкæмæй фылдæр 2025-æм азы райгуырды нымæц Тбилисы – 14 334 сывæллоны, сеппæтæй къаддæр та – Рачъа-Лечхумы æмæ Дæллаг Сванеты районты – 191 сывæллоны.

Сакстаты бæрæггæнæнтæм гæсгæ, 2025 азы удæгасæй райгуырды иумæйаг нымæцы, 2024 азимæ абаргæйæ, фыццаг сывæллоны хай сырæзт 35,9 процентæй 36,6 проценты онг, дыккаг сывæллоны хай фæкъаддæр æмæ ссис 32,9, æртыккаг æмæ уый фæстæ райгуырды хай та, зæгъæн ис, æнæивгæйæ баззад æмæ 129 проценты бæрц.

Уымæй дарддæр ма, уагдоны хыгъдлæвæрдмæ гæсгæ, 2025 азы удæгасæй райгуырды иумæйаг нымæцы ивгъуыд азимæ абаргæйæ, 25 азы онг кæуыл цæуы, ахæм мадæлтæй цы сывæллæттæ райгуыры, уыдоны хай фæкъаддæр 23,2 процентæй 21,9 проценты онг, 25-39 азы кары мадæлты хай сырæзт 69,5 процентæй 704 проценты онг. Рæзт рабæрæг 40 азы æмæ хистæр кары мадæлты æхсæн, сæ хай фæфылдæр 7,3 процентæй 7,7 проценты онг.

2025 азы мадæн йæ фыццаг сывæллоны райгуырды астæуккаг кар сбæрæг кодтой 27,4 азы.