Гуырдзыстоны 2024-æм азы инфляцийы æмвæзад уыд 1.9 процент, декабры инфляци та, ивгъуыд азы аналогион периодимæ абаргæйæ, 0.7 проценты æмвæзадыл уыд фиксиргонд, – уый фæдыл информацийы хъусын кæны Saxstat.

Националон статистикæйы куысты информацимæ гæсгæ, 2024-æм азы халсарты æргътæ фæфылдæр сты зæгъæн ис 16 проценты бæрц, сæкæр æмæ æндæр адджинæгты аргъ – 7 проценты бæрц, æнæалкоголон нозтыты – 5 проценты бæрц. Кæсаджы аргъ дæр фæфылдæр 5 проценты, дзидза æмæ дзидзайы продукттæ иу проценты.

Saxstat-ы бæрæггæнæнтæм гæсгæ, 2024-æм азы, 2023-æм азимæ абаргæйæ, дыргъты æмæ æхсыры продуктты æргътæ, зæгъæн ис, æмæ нæ фæивтой. 2025 азы прогнозмæ та цы хауы, иу процентон инфляци паддзахадон бюджеты законмæ хаст у, кæцы националон банкъы нысангонд æртæ процентон ставкæйæ ныллæгдæр у.