Руставелийы проспекты æххæст реабилитаци райдыдта
Руставелийы проспекты æххæстмасштабон реабилитаци райдыдта. Тбилисы мэрийы информацимæ гæсгæ, проекты фыццаг фазæйы зæххыбын коммуналон хæххытæ раивын уыдзæн — реконструкци æрцæудзæн централон дондзæуæн, канализаци, митæфсæнвæндаг æмæ газуадзæн хызæгтæ. Уымæй уæлдай ма уæлдæфон телты хæтæлтæ раивдзысты зæххыбын телты хæтæлтæм, æвæрд æрцæудзысты зæххыбын хауæццæгтæ æмбырдгæнæн контейнертæ.
Мэры хæдивæг Ираклий Бенделиани, Тбилисы мэрийы профилон департаментты къухдариуджытимæ иумæ, куысты райдайæны фæдыл расидтис.
“Мах райдыдтам æххæстмасштабон реконструкцион куыстытæ Руставелийы проспектыл. Фыццаг этапы рæстæджы æхгæд æрцыдысты проспектмæ æппæт бахизæнтæ æмæ рацæуæнтæ. Реконструкцийы проект дихгонд у цалдæр лотыл. Иттæг карз æмгъуыдтæ æмæ проект ноябры кæронмæ кæй хъуамæ фæуа, уый хынцгæйæ, æнæмæнгхъæугæ у иу рæстæджы æххæст кæнын куыстытæ æнæхъæн проспекты алыварс сахат.
Проект æххæстæй баивдзæн зæххы бын æмæ зæххы уæлæ коммуналон хæххытæ, сараздзæн уæлæмхасæн заз бæлæсты фæзуæттæ, фæхуыздæр уыдзæн æддейы рухсдæттæн системæ, сæвæрдзысты нырыккон зæххыбын бырæтты контейнертæ, æмæ змæлд сорганизаци кæндзысты ног змæлды пъланмæ гæсгæ. Уымæн æмæ куыст цæудзæн æнæхъæн бон, цæрджытæй развæлгъау хатыр курæм цыфæнды æнæнцойдзинады тыххæй, фæлæ æнæ уымæй, нæй гæнæн ахæм масштабон проект снысангонд æмгъуыдмæ сæххæст кæнын» -расидтис Ираклий Бенделиани.
Тбилисы мэрийы информацимæ гæсгæ, проектмæ афтæ дæр бахæсдзæн ног фæндагон инфраструктурæйы сарæзт, фæндаг æмæ тротуарты ремонт, афтæ дæр ног асфальты сæвæрд. Проспекты инфраструктурæмæ æххæстæй бацæуæн уыдзæн йе `нæниздзинад хъыгдард кæмæн у, уыцы адæмæн.
«Сæрмагонд хъусдард уыдзæн здæхт фистæгцæуджыты æдасдзинад æмæ комфортмæ: æвæрд æрцæудзысты зæххы уæлæ фистæгæй цæуджыты ахизæнтæ, сæвæрдзысты ног фæндагон нысæнттæ, æххæстгонд æрцæудзысты горизонталон фæндагон нысæнттæ» – ис фыст Тбилисы мэрийы расидæны.
Проекты иумæйаг аргъ 50 милуан ларийы онг у.
Руставелийы проспектыл змæлд реабилитацион периоды цыппар мæйы дæргъы уыдзæн арæнæвæрд.