«Ройтеры» хъусинагæй,   Евроцæдис Уæрæсейы ныхмæ санкциты дæсæм пакетыл кусы.  Уый фæдыл информаци, агентадмæ цалдæр анонимон  равзæрæн  фæхæццæ кодта.

Европаг дипломатты  дзырдæй,   санкциты  ног пакет,  æнхъæлцау,  Уæрæсейы Украинамæ  бырсты  азы сæрыл, 24 февралмæ  уыдзæн  цæттæ. Ацы  этапыл  Евроцæдисы нæ конкрет  кæнынц, цавæр ног арæнæвæрдты  сфидар кæнын хъавынц.

Куыд æнхъæлынц афтæмæй,  санкциты  дæсæм  пакеты  темæ размæ рахæцын, европаг  дипломатты  хай, Евроцæдисы уæнг паддзахадты  фæсарæн хъуыддæгты министрты  рабадтыл  бацархайдзæн, кæцы  къуырисæры, 23  январмæ  у плангонд.

Евроцæдисы сæ афтæдæр фæнды Украинайæн   адæттинаг   æфсæддон   æххуысы –  500 милуан евройы  аргъы радон  транш  сфылдар кæнын. Ацы  этапыл  уый  алæвæрд  блокировкæ кæны Венгри.