«Репортертæ æнæ арæнтæй»  рапарахат кодтой 2026 азы Дунейы прессæйы сæрибардзинады индекс, кæцыйы фыст ис, цæмæй æппæт дунейы прессæйы сæрибардзинад у рекордон ныллæг, цыппар бæстæйæ æртæ сты «проблемон» рæзгæ авторитаризмы рæстæджы.

Индексы фыст ис, 180 бæстæйы æрдæгæй фылдæры уавæр кæй у «зын» кæнæ «тынг серьезон». Дунейы æрмæст авд бæстæйæн ис «хорз» рейтинг, 36 бæстæйæн та ис «райгонд» рейтинг.

Индексмæ гæсгæ, журналистты æдасæй æмæ хæдбарæй кусыны фадат æппæт дунейы дæр тæссаг у. Мыхуыры сæрибардзинад æмбарын кæнынц куыд «журналистты хъомыс, куыд хицæн адæймæгтæ, афтæ куыд коллектив, æвзарын, рауадзын æмæ парахат кæнын хабæрттæ æнæ политикон, экономикон, барадон кæнæ социалон хъыгдардæй, æнæ рискъæй сæ физикон кæнæ психикон æдасдзинадæн».

Ацы рейтингы Гуырдзыстон 40.77 баллæй 135-æм бынатыл ис æмæ «зын» категорийы ис. Иу категоримæ хауынц Хуссар Америкæйы, Африкæйы æмæ Азийы цалдæр бæстæйы.

«Тынг серьезон» категоримæ та цы хауы, уымæ сæйраджыдæр хауынц Уæрæсе, Æввахс Скæсæн, Централон æмæ Хуссар-Скæсæн Азийы бæстæтæ.