Турк æмæ Гуырдзыстон æрмæст сыхаг бæстæтæ не сты, уыдон сты дыууæ стратегион партнер, кæцыты арф историон, культурон æмæ адæймагон бастдзинæдтæ иу кæнынц – уый фæдыл Туркы президент Реджеп Тайип Эрдогъан Гуырдзыстоны президент Михеил Хъавелашвилимæ брифингыл расидтис.

Туркы президенты ныхасмæ гæсгæ, Гуырдзыстон æмæ Турк æмкуыст кæндзысты сабырад æмæ размæцыды тыххæй, куыд регионы, афтæ æддейæ дæр.

«Мах, дыууæ бæстæ стæм Баку-Тбилис-Хъарс проекты хайадисджытæ, кæцы у Астæуккаг къæлидоры рæбын, æмæ нæм ис стратегион нысаниуæгджын нефты хæтæл, газы хæтæл. Гуырдзыстон ма у мескелы туркæгты райгуырæн бæстæ дæр, кæцытæ 1944 азы сæ историон райгуырæн бæстæйæ тыхæй раивтой. ноджы иу хатт расидæм нæ цæттæдзинад нæ ахастытæ фæарфдæр кæнынæн Мах адарддæр кæндзыстæм размæ цæуын, рæзын кæндзыстæм нæ адæмты хæрзиуæгæн Нæ бæстæ бирæ азты дæргъы уыд Гуырдзыстоны сеппæтæй стырдæр базарадон партнер, æмæ уый у ноджы иу бæлвырдгæнæн, цæмæй нæ ахастытæ сты фидар бындурыл. Гуырдзыстоны цы хорз, хъарм атмосферæ сырæзт, уый руаджы фылдæр кæрæдзийæн инвестицитæ уа.

Уымæй уæлдай ныридæгæн æххæстгонд æрцыдысты миллиардты аргъ 300 стыр арæзтадон проекты. Уымæй дарддæр ма, ме коллегæимæ ныхас кодтон, цæмæй Тбилис-Карсы æфсæнвæндаджы проекты æххæстæй реализаци не ‘ппæтæн дæр тынг нысаниуæгджын у. Ахастытæн, æмгуыстадæн стыр нысаниуæг ис æфсæддон-хъахъхъæнынады къабазы дæр. Уыдон сты нæ боны фæткы фарстатæ. Дискуссийы рæстæг ма кæрæдзийæн дзырдтам, нæ регионы æмæ иумæйагæй дунейы цы цаутæ цæуы, уыдоны тыххæй дæр. Фæнды мæ ацы фадатæй спайда кæнон æмæ банысан кæнон Гуырдзыстоны территорион æнæхъæндзинад æмæ суверенитетæн нæ фидар фарсылхæцындзинад. Сæрмагондæй, Гуырдзыстон æмæ Азербайджанимæ нын цы æртæфарсон механизмтæ ис, уыдонæй ахъаз кæнæм æттаг политикæ æмæ æдасдзинады регионалон сабырад æмæ æдасдзинады фæтыхджындæр кæнынæн.

Хæстæгдæр рæстæджы нын нæ бæстæйы фæсарæйнаг хъуыддæгты министрты радон æртæвæрсыг фембæлд уыдзæн. Фембæлд. Фæнд кæнæм парламентты сæрдарты ‘хсæн æртæфарсон фембæлд ауадзын дæр.

Ныхас кодтам Сау денджызыл, Кавказы æдасдзинадыл, афтæ ма Украинæйы хæст æмæ Газæйы адæймагон трагедийыл. Гуырдзыстон æмæ Турк æмгуыстад кæндзысты сабырад æмæ размæцыды тыххæй, куыд нæ регионы, афтæ æддейæ дæр. Ууыл ныхас кодтам абоны дискусситы, æмæ уый та ууыл дзурæг у, æмæ канд арф ахастытæм цæттæ не стæм, фæлæ ма цæттæ стæм фидæны регионы ахастытæ рæзын кæнынмæ дæр. Президент Хъавелашвилийæн дæр фехъусын кодтон нæ æнхъарæнтæ, цæмæй месхеты туркæгтæ сæ хæдзæрттæм аккаг æмæ æдасæй æрыздæхой. Уый махæн у ахсджиаг фарста, æмæ мах æххуыс кæндзыстæм ацы процессæн, куыд хъæуа, афтæ. Афтæ дæр мæ фæнды банысан кæнон, цæмæй Гуырдзыстон æмæ Турчы æхсæн стратегион æмкуыстдзинад дарддæр рæздзæн æмæ фæтыхджындæр уыдзæн нæ адæмты фæндоныл бындурæвæрдæй. Бузныг президент Хъавелашвилийæн, йæ делегацийæн æмæ салам Гуырдзыстоны хæларзæрдæ адæмæн. Нæ футболон командæты фембæлд уыдзæн 4 сентябры, уый уыдзæн æвзарæн хъазт. Уый дæр ноджы фæарфдæр кæндзæн нæ бæстæты æхсæн хæларадон ахастытæ», — загъта Реджеп Тайип Эрдогъан.

Бацæттæ кодтой синхронон тæлмацмæ гæсгæ.