Турк Уæрæсеимæ  иумæйаг  æфсæддон  амалиуæгадæй  цымидисджын у. Уый  фæдыл  фидиуæн  Уæрæсемæ  визиты  рæстæджы  Турчы  президент Реджеб Тайип Эрдогъан  сарызта.

Йæ ныхæстæм гæсгæ,  æфсæддон амалиуæгады  къабазы  æмкуысткæнынад   æххæссы ногдæр æфсæддон   хæдтæхджытæ аразынмæ дæр.

Уæрæсейы президент  куыд райхъусын кодта афтæмæй,   Эрдогъанимæ  бадзырдты рæстæджы, уырыссаг   авиакуынæггæнæг  «СУ-35»-ы æмæ  иуыл ног  «СУ-57»-ы  иумæйаг амалиуæгадыл  фæныхас  кодтой.

Реджеб Тайип Эрдогъан  æмæ Владимир Путин абон иумæ  уыдысты  авиацион   техникæйы равдыстыл, кæцы рæстæджы дæр лидертæ   иуыл ног  уырыссаг техникæйы  æмæ  сæ нымæцы  авиакуынæггæнæг  «СУ-57»-ы  федтой.