Закъон, кæцы «ФАРА»-йы хуызы æвдыст цæуы, донорон организациты разæнгард кæны, цæмæй сын уа æнгомдæр, æргомдæр, æууæнчы бындурыл æмгуыстад, кæцы тынг нысаниуæгджын у. Уый æмрæстæджы фылдæр кæны нæ æмбæстæгты зонындзинæдтæ Гуырдзыстоны реализацигонд проектты фæдыл – уый фæдыл журналисттæн Антикоррупцион бюройы сæргълæууæг, Ражден Купрашвили расидтис, кæцы минæварадты, дунеон æмæ донорон организациты минæвæрттимæ закъоны райсты фæдыл фембæлд уадзы.
Купрашвилийы ныхасмæ гæсгæ, «Фæсарæйнаг агентты регистрацийы фæдыл закъон», кæнæ та «Фарайы» закъон йæ тыхы бацæудзæн 31-æм майы.
Коррупцийы ныхмæ бюройы сæргълæууæг афтæдæр дзуапп радта журналисты фарстæн, цæмæй куыд æххæстгонд æрцæудзæн, цæмæй дзыллон информацийы фæрæзтæ закъонæй арæнæвæрд ма уа.
“Уый нæу исты арæнæвæрдтæ сæвæрыныл, уый ныхмæ, уый ноджы фæбæрзонддæр кæндзæн донорон организациты æрдыгæй нæ бæстæйы æххæстгонд проектты уынд. Тынг ахсджиаг у, цæмæй æмбæстæгтæн уа зонындзинæдтæ, цавæр проекттæ æххæстгонд цæуынц Гуырдзыстоны фæсарæйнаг организациты къухдариуæггæнджыты хæслæвæрдмæ гæсгæ, уый ахсджиаг у нæ демократийæн”, – загъта Ражден Купрашвили.