Гуырдзыстон нæ континентыл сеппæтæй рагондæр чырыстон наци у. Ныр нæ разы лæууы реалон тæссагдзинад, Кремлы хуызæн Гуырдзыстоны къухæй Европаг Гуырдзыстон фесафын – райхъусын кодта европарламенты депутат Раса Юкневичьене Валенсийы Европæйы адæмон партийы конгрессыл ныхасы рæстæджы.

Юкневиченейы ныхасмæ гæсгæ, Европайы фидæны тыххæй цы бæстæтæ тыхсынц, уыдон Иванишвилийы ныхмæ æмæ фальсификацигонд æвзæрстыты æмæ репресситы аххосджынты ныхмæ санкцитæ хъуамæ снысан кæной.

«Бидзина Иванишвилийы рæстæджы  Гуырдзыстон бирæ азты дæргъы йæхи аиуварс кодта Евроцæдисæй, фæлæ фæстаг парламентон æвзæрстытæ, кæцытæ уагъд æрцыдысты 2024 азы, нысан кодтой Гуырдзыстоны ныппырхы райдайæн, æвирхъау репресситимæ, тыхми æмæ ахстытимæ – иууылдæр комкоммæ Кремлы хъазæн чиныгæй.

Уый стыр зиан у æрмæст сæрибаруарзаг гуырдзиæгтæн нæ фæлæ ма нысан кæны Сау Денджызы регионы стратегион æмцæдисоны фесæфт, кæцы Европæйы æдасдзинадæн æнæмæнгхъæугæ у. Гуырдзыстоны уæвæг режим у Кремлы мидæгæй паддзахады æнтыстджын бацахсты дæнц, æмæ уый гæнæн ис æрцæуа Евроцæдисы уæнг бæстæйыл, кæд æмæ рæстæгыл нæ бауромдзыстæм ацы инфекци. Гуырдзыстоны децентрализаци у нæ инвестици нæ фидæны æмæ æдасдзинадæн. Алы бæстæ, кæцытæ тыхсынц Европæйы фидæныл, æнæаргъæвгæйæ хъуамæ снысан кæной санкцитæ Бидзина Иванишвилийы ныхмæ æмæ фальсификацигонд æвзæрстыты æмæ репресситы аххосджынтæй алкæй дæр» – расидтис Раса Юкневичьене.