Европарламент иттæг бæлвырд хъусынгæнинаг æрвиты Бидзина Иванишвилийæн æмæ йæ æмхъуыджынтæн «Гуырдзиаг Бæллиццы» рдыгæй, Евроцæдисмæ баиу кæнын сæ политикæимæ æнæбаст у. Нæй гæнæн уыцы иу рæстæджы проевропæйаг æмæ проуырыссаг уай, нæй гæнæн æмæ иу рæстæджы æххуыс кæнай европæйаг царды уагæн æмæ иу рæстæджы раппæлай Сталинæй, – уый фæдыл Гуырдзыстоны фарстайы фæдыл цæугæ дебатты рæстæджы европарламентарий Раса Юнкевичьене расидтис Европарламенты.

Йæ ныхасмæ гæсгæ, Европарламент лæмбынæг цæст дардзæн Гуырдзыстоны парламентон æвзæрстытæм.

«Европарламент лæмбынæгæй йæ цæст дардзæн фидæн æвзæрстытæм. Ноджы иу хатт фæлхатт кæнæм, цæмæй æвзæрстыты ауадзын æххæстæй хъуамæ уа дунеон стандарттæм гæсгæ. Кæд æмæ «Гуырдзиаг бæллиц» адарддæр кæндзæн Лукашенкойы фæндагыл, уæд Евроцæдис бахъæудзæн архайын æмæ ногæй саргъ кæнын Гуырдзыстоны хæстæн, се æхсæн визалиберализацийы критеритæн. Мах афтæдæр сидæм Михаил Саакашвилийы æвæстиатæй æмæ æнæфæдзæхстæй ссæрибар кæнынмæ. Гуырдзыстоны хицауад æххæстæй хъуамæ дзуапп дæтта Саакашвилийы цардæн кæнæ æнæниздзинадæн цыфæнды зианы тыххæй дæр. Гуырдзыстоны фидæны фæдыл уынаффæ гуырдзиаг адæмы къухты ис. Зынаргъ гуырдзиæгтæ, Гуырдзыстоны фидæнæн сымахæй бæрнондæр никæмæн уыдзæн. Ныфс нæ ис, цæмæй Гуырдзыстоны адæм фæстæмæ фæндаг ссардзысты демокративон европæйаг бинонтæм», – райхъусын кодта Европарламентарийы уæнг.