Тбилисы хицауады отставкæйы æркуырдæй протестон митинг сырæзт. «Иудзинады маршы» хайадисджытæ метро Исанийы станцæйæ Мидхъуыддæгты министрады бæстыхайы онг цыдысты. Сæрмагондæй æвзæрст æрцыдысты æмбырдгæнæн бынат æмæ маршы кæронбæттæн æрлæууæн дæр. Протесты хайадисджыты ныхасмæ гæсгæ, фыццаджы дæр мидхъуыдтæгты министрад репресситы аххосджын у. Протесты рæстæджы ахстгондты бинонтæ дæр баиу сты. Мидхъуыддæгты министрадмæ æрцæуыны фæстæ, хайадисджытæ ноджы иу хатт схъæр кодтой сæ домæнтæ – хицауады отставкæйы æмæ протестон акциты рæстæджы ахстгондты ссæрибар кæныны тыххæй.