Гуырдзыстоны прокуратурæ уæззаугæнæг уавæрты  лæгмарды аххосагæй иу адæймагы ныхмæ азымгæнæн гæххæтт бадæтта.

«Мидхъуыддæгты министрады ауагъд фæдагуырды рабæрæг ис, цæмæй 10-æм декабры, Тбилисы метройы станцæ «Паддзахадон университеты» аххосджын, бынтон æнæ мотивæй, æнæ аххосæй, иттæг карзæй, метройы станцæйы бæлццæттæ, перроныл лæууæг йæхицæн æнæзонгæ адæймагы къухыл фæхæцыд æмæ йæ рельсытæм баппæрста, уыцы рæстæджы уый Елмавали сæмбæлд. Райсгæ цæфты фæстиуæгæн зианбаййафæг фæмард бынатыл», – ис фыст прокуратурæйы информацийы.

Уыцы бон барадхъахъхъæнджытæ æрцахстой аххосджыны. Уый Гуырдзыстоны уголовон кодексы 109-æм статьяйы дæлхайæдтæй «ф» æмæ «м» (æнæнхъæлæджы лæгмард, хулиганизм æмæ сæрмагонд æгъатырдзинадæй арæзт) аххосджынгонд æрцыд, кæцы 16 азæй 20 азы онг ахст кæнæ та цæрæнбонтæм ахæстоны фæбадын йæ зæрдыл дары.

“Прокуратурæ тæрхондонмæ бахаты курдиатимæ, цæмæй закъонæй снысангонд æмгъуыдмæ ахæстоны фæбадынæй спайда кæной куыд æфхæрæн мадзалæй”, — банысан кодтой уагдоны.