Гуырдзыстоны премьер-министр Ираклий Къобахидзе Туркменийы горæт Авазайы ИНО-йы конференцийы хайад исы – уый фæдыл хицауады администрацийы хъусын кæнынц.

Уагдоны информацийæ, конференцийы хайадисæг лидертæн фысым кæнынц Туркменийы президент Сердар Бердимухамедов æмæ ИНО-йы генералон нымæрдар Антонио Гутерриш.

«Гуырдзыстоны хицауады сæргълæууæг конференцийы официалон байгомы уыд, кæцыйæн раныхас кодтой Антонио Гутерриш æмæ Сердар Бердимухамедов.

Абон конференцийыл Ираклий Къобахидзе раныхас кæндзæн. Премьер йæ хъус дардзæн Гуырдзыстоны стратегион бынатмæ æмæ бæстæйы ролыл, куыд скæсæн æмæ ныгуылæны иугæнæг коридор, кæцы нысаниуæгджын бастдзинады фадæттæ дæтты денджызæй æнæбацæугæ 8 бæстæйæн.

ИНО-йы конференци байгом кæныны размæ Туркменийы националон лидер, Адæмон Советы сæрдар Гурбангулы Бердимухамедов раныхас кодта саммиты хайадисæг бæстæты разамонджытæм.

Гуырдзыстоны премьер-министр Ираклий Къобахидзе йæ делегациимæ иумæ «Аваза»-йы конгресс-центры уагъдцæуæг официалон мадзалмæ æрбацыд» – ис фыст хицауады администрацийы фидиуæны.