Гуырдзыстоны рæзынады дæсазон  план  бакусыны æмæ бæстæйы масштабон ранæуæгы  программæйыл  фæныхас кодтой  Гуырдзыстоны  премьер-министр Ираклий Гъарибашвили æмæ  Европæйы Инвестицион Банкы  (EIB) вице-президент   Тереза Червинска  фембæлдыл, кæцы ацыд  видео-конференцийы форматы.

Премьер-министры  пресс-куысты   информацийæ,   хицауады   сæргълæууæг EIB-ы  вице-президентæн  базонын  кодта  деталон информаци  рæзынады  дæсазон  план бакуысты  фæдыл, кæцы  йæ инициативæмæ  гæсгæ  цæуы, афтæма   фæныхас  кодта   бæстæйы масштабон  ранæуæгы  программæйыл æмæ бахахх кодта   ацы процессы  партнерты  æххуысы  нысаниуæг.

Видео-конференцийы  рæстæджы банысан ис,  цæмæй  EIB баиу  уыдзæн   лыстæг æмæ астæуккаг бизнесы  рапарахаты  æрдæмадæй  æмæ  баххуыс уыдзæн    æмбæлгæ  программæты  сыххæсты  хъуыддаджы.  Ныхас  уыд   глобалон  пандемийы  ныхмæ  тохы  цы экономикон  быцæусидтытæ ис, уыдоны фæдыл  æмæ  Гуырдзыстоны Европæйы Инвестицион Банкы æмгуыстады  сæйраг æрдæмадтыл.

Ираклий Гъарибашвили  EIB-æн  раарфæ кодта  пандемийы ныхмæ тохы  процессы  Гуырдзыстонæн  æххуысы  тыххæй,   кæцы бæстæйы æнæнизхъахъхъæды  секторы  проблемæтыл афойнадон реагир кæныны  фадат ратта, афтæма – баххуыс кодта экономикон сæндидзын кæныны  план сыххæсты.

Хицауады сæргълæууæгы аргълæвæрдмæ гæсгæйæ,  бæстæйы  рæзынадæн   иттæг нысаниуæгджын  у  EIB-ы финансгондæй  цæугæ инвестицион  проеккттæ, сæрмагондæй  та  постпандемион   уавæрты.

Фембæлдыл   æвæрццаг аргъ скодтой  EIB-ы уынаффæйæн  райрæзын кæна   хицæн секторы    операциты  бæрцуат, уымæн æмæ   хицæн сектор экономикон рæзынады,  кусæнуатты æмæ  инновациты  сæйраг  змæлынгæнæг у.