Польшæйы сæйраг сахар Варшавайы Гуырдзыстоны хæдбардзинады боны нысанæн мадзал сырæзт. Уый фæдыл информаци æттаг хъуыдтæгты министрад парахат кæны.

Уагдоны информацимæ гæсгæ, æрæмбырдуæвæг æхсæнады размæ раныхас кодта Гуырдзыстоны Уæлвæткон æмæ Æххæстбарджын минæвар Польшæйы Республикæйы, Жгенты Диана. Минæвар фæныхас кодта Гуырдзыстоны æттаг политикæйы сæйраг приоритеттæ æмæ бæллицтыл. Афтæ дæр акцент æрцыд нæ бæстæйы раз лæууæг фарстытæ æмæ экономикон проекттыл, уыцы нымæцы транзитон къæлидортыл.

Мадзалы дипломативон корпусы, Польшæйы хицауады æмæ сæрмагонд секторы минæвæрттæ, гуырдзиаг диаспорайы уæнгтæ æмæ æндæр уазджытæ истой хайад.

Азербайджаны минæвар Польшæйы Наргиз Гурбанова Гуырдзыстонæн йæ хæдбардзинады бон раарфæ кодта.

«Куыд Азербайджаны минæвар, мæнæн стыр кад у ам уæвын æмæ мæ фæнды раарфæ кæнон æфсымæрон гуырдзиаг адæмæн æмæ нæ стратегион партнер Гуырдзыстонæн ацы нысаниуæгджын бон.Гуырдзыстон æмæ Азербайджан сты æфсымæрон нацитæ æмæ иудадзыг партнертæ.Нæ партнерад æнæпрецедентонæй аивта регионы.Ацы нысаниуæгджын бон мæн фæнды фæсивæдæн арфæ кæнон дидинæфтыд æмæ хæдбардзинады бон», – райхъусын кодта Гурбанова.

Венгрийы минæвар Польшæйы, Иштван Игиарто сбæлвырд кодта Венгрийы фарсылхæцындзинад гуырдзиаг адæмы бæллицтæн.

«Венгри æмæ Гуырдзыстоны æхсæн кæддæриддæр уыд хæларадон ахастытæ, æххуыс кæнæм Гуырдзыстонæн, æххуыс кæнæм Гуырдзыстоны бæллицтæн æмæ мæ фæнды сымахæн уæ бæстæйы хæдбардзинады бон алцыппæт хуыздæр арфæ кæнон», – райхъусын кодта Игиарто.

Италийы минæвар Польшæйы Лука Франчетти Пардо Гуырдзыстонæн йæ хæдбардзинады бон раарфæ кодта.

«Фыццаджы дæр мæ фæнды раарфæ кæнон Гуырдзыстоны националон боны цытæн. Гуырдзыстоны минæвар, мæ хæлар у иттæг хорз дипломат, кæцы йæ ​​хæстæ иттæг хорз  æххæст кæны», – расидтис Пардо.