Польшæйы Европарламенты депутат Михау Ваврикевич æмæ Лиетувæйы депутат Дайниус Жалимас оппозицион партиты минæвæрттимæ фембæлдысты.

Фембæлдыл уыдысты коалици «Иудзинад – Националон Змæлд», коалици «Ивæндзинæдтæн», коалици «Тыхджын Гуырдзыстон» æмæ парти «Амондджын Гуырдзыстоны» минæвæрттæ.

Лиетувæйы Европарламенты депутат Дайниус Халимасы ныхасмæ гæсгæ, оппозициимæ фембæлды рæстæджы  æмкуыстдзинады фæндæгтыл фæныхас кодтой.

«Фæныхас кодтам æмкуыстдзинады гæнæн фæндæгтыл, расидтæм нæ солидарондзинад æмбæстагон æхсæнады æмæ Гуырдзыстоны демокративон тыхты æрдæм. Афтæ дæр æххæстæй дих кæнæм уыцы позици, цæмæй парламентон æвзæрстытæ сты æнæлегитимон, ныры парламент дæр у æнæлегитимон, æмæ æххæстæй æххуыс кæнæм президент Саломэ Зурабишвилийæн. Кæй зæгъын æй хъæуы, фидæны æмгуыстад куыд кæнæм, уый тыххæй бирæ фарстатæ ис æруынаффæ кæнинаг. Хъуыды кæнын ног æвзæрстыты ауадзыны æнæмæнг уынаффæйыл, кæцытæ хъуамæ уой рæстаг, кæцытæ хъуамæ уой реалон æхсæнадæмон цæстдарды бын æмæ хъуамæ æххæст кæной алы æппæтдунеон стандарттæ. Кæй зæгъын æй хъæуы, æвзарæн принципты европæйаг стандарттæ. Евроцæдисы санкцитæн хъæуы цасдæр рæстæг, фæлæ мæнмæ гæсгæ уый гæнæн ис æххæстгонд æрцæуа, уæлдайдæр та АИШ-ы хицауады зноны æскъуыддзагы фæстæ», – райхъусын кодта Дайниус Халимас.

Польшæйы Европарламенты депутат Михау Ваврикевич банысан кодта, цæмæй йæ фарсыл хæцынц оппозицийы расидæнæн сæрибар æвзæрстыты ауадзыны фæдыл æмæ уыцы иурæстæджы, йæ фарсыл хæцынц Саломэ Зурабишвилийæн, куыд Гуырдзыстоны легитимон президентæн.

«Мах æххуыс кæнæм гуырдзиаг æхсæнады сæрибардзинады тырнындзинады, Евроцæдис æмæ трансатлантикон дунейы скондмæ баиу кæныны тырнындзинадæн. Иттæг хорз зонæм, æвзæрстытæ давд кæй æрцыдысты, æвзæрстытæ Уæрæсейы æндæвдады бын кæй цыдысты. Ам, Гуырдзыстоны, мах йæ фарсыл хæцæм оппозицийæн æмæ оппозицийы расидæнæн, цæмæй фидæны сæрибар æвзæрстытæ уагъд æрцæуой. Æххуыс кæнæм президент Саломэ Зурабишвилийæн, куыд Гуырдзыстоны иунæг легитимон президент. Ам стæм, цæмæй æрмæст европарламенты цæстæнгас æмæ резолюци нæ фæлæ ма нæ сæрмагонд цæстæнгас дæр раргом кæнæм. Мах стæм уыцы бæстæтæй иу, кæцытæ хорз зонынц Уæрæсейы æндæвдад æмæ цы методтæй пайда кæнынц, уый. Уый тыххæй стæм ам, цæмæй æххуыс кæнæм æнæхъæн гуырдзиаг æхсæнадæн», – расидтис Ваврикевич.