Тбилисы горæтон тæрхондоны тæрхонгæнæг мидхъуыддæгты министрады куырдиат сæххæст кодта æмæ «Холон»-ы платформæйы бындурæвæрæг, журналист Ираклий Цъулаиайы административон ивар 3000 ларийы бæрц снысан кодта.
Ираклий Цъулайы полици, Руставелийы проспектæй рацæуыны фæдыл, мидхъуыдтæгты министрады куырдиатмæ æнæкоммæгæсдзинад бахъаст кодта.
Ираклий Цъулайы ныхасмæ гæсгæ, уый 29-æм ноябры æхсæвы митингмæ ног æрбацæуæг уыд æмæ сидт нæ фехъуыста. Уый йæхи аххосджыныл нæ нымайы æмæ, ныхмæвæрдæй, спецназы æрдыгæй йæм куыд æрбабырстой, уый лыстæгдзинæдтыл дзуры.
Цъулайы ныхæстæм гæсгæ, уый ницы тæссагдзинад æвзæрын кодта, «сабырæй уыд митингы йе ‘фсымæримæ, уæд æм йе ‘фсымæримæ æрбабырстой æмæ сæ физикон æгъдауæй ныццавтой цалдæр спецназы». Цъулайы цæсгомыл дæр ис физикон цæфтæ.
Цъулайы Ираклимæ иумæ, тæрхонгæнæг æндæр адæймагы, активист Диасамидзе Ираклийы административон хъуыдтаг бакастис æмæ йæм 4500 ларийы бæрц административон ивар снысан кодта.
Æнæкоммæгæсдзинадæй дарддæр ма, Ираклий Диасамидзейы аххосджын кæнынц лыстæг хулигандзинады дæр. Диасамидзейæн йæ цæсгомыл физикон цæфтæ дæр ис.
Дыууæ адæймаджы дæр бахатыдысты сæрмагонд слестгæнæн службæмæ курдиатимæ, цæмæй пъæлицæйæгты ныхмæ райдайа фæдагуырд.
Абон тæрхондоны фæнд кæнынц æндæр адæймæгты административон хъуыддæгтыл дæр æруынаффæ кæнын.