Æз æххæстæй æууæндын Гуырдзыстоны æмбæстæгты равзæрстæй, цыфæнды фæстиуæг ма уа – расидтис Евроцæдисы минæвар Гуырдзыстоны, Павел Герчинский.

Херчинскийы ныхасмæ гæсгæ, Гуырдзыстоны æмбæстæгтæ хъуамæ равзарой ахæм хицауад, кæцы сæ фæндон æмæ бæллицтæ æвдисы.

«Цыппар боны фæстæ уын фадат уыдзæн ацæуын æмæ радон хицауад равзарын. Æвзæрстытæ сты демократийы бæрæгбон. Уый у уыцы бон, æмæ сымахæй алчидæр хъуамæ равзара йæ кæстæрты фидæн.  Хайад райсут æвзæрстыты æмæ равзарут ахæм хицауад, кæцы æвдисы уæ фæндонтæ æмæ бæллицтæ.

Æз æххæстæй æууæндын Гуырдзыстоны æмбæстæгты æвзæрстæй, цыфæнды фæстиуæг ма уа. Кæд æмæ æвзæрстытæ уыдзысты сæрибар æмæ рæстадон, уæд мах кад кæндзыстæм ацы фæстиуæгæн æмæ кусдзыстæм цыфæнды демокративонæй æвзæрст хицауадимæ Гуырдзыстоны.

Ивгъуыд къуыри Тбилисы уынгты бирæ Евроцæдисы тырысатæ федтон. Куыд Евроцæдисы минæвар, афтæ сæрыстыр уыдтæн. Уынджы бирæ адæмы федтон, фæсивæд, алчидæр уым уыд. Уæ сывæллæттæ сты хуыздæр фидæны аккаг. Уыдон ам Гуырдзыстоны фадæттæ аккаг сты æмæ æндæр рæтты хуыздæр цард ма хъуамæ агурой. Уыдонæн хъуамæ уа фадат рæсугъд Гуырдзыстоны баззайын, цæрын æмæ кусын», -расидтис Герчинский.

Уымæй дарддæр ма, минæвары ныхасмæ гæсгæ, алы бæстæйæн, кæцытæ баиу сты Евроцæдисмæ, лæвæрд æрцыд фадат стыр цивилизацион гæпп саразынæн. Герчинский куыд банысан кодта, афтæмæй йæ зæрдæ дары, цæмæй Гуырдзыстоны хъуыддаджы дæр афтæ уыдзæн.

«Куыд зонут афтæмæй, хъыгагæн, Евроцæдис-Гуырдзыстоны ахастытæ историонæй ныллæг сты. Гуырдзыстоны Евроцæдисмæ бацæуыны процесс урæд æрцыд æмæ Евроцæдисы лидертæ иттæг бæлвырдæй загътой, цæмæй уый Гуырдзыстоны хицауады архæйдтыты фæстиуæг у. Куыд Евроцæдисы минæвар, афтæ тынг хъыгаг æмæ хъыгаг у, цæмæй кæсын, куыд æндæр бæстæтæ Евроцæдисы уæнгдзинады æрдæм цæуынц, æмæ Гуырдзыстон размæ цæуыны бæсты фæстæмæ цæуы. Акæсут-ма, Молдавийы цы æрцыд, уымæ. Адæм рацыдысты æмæ референдумы схъæлæс кодтой Евроцæдисмæ бацæуыны тыххæй, фæлæ алы хъæлæс дæр нымад уыд. Хицæндзинад уыд тынг чысыл, уымæ гæсгæ уæ хорзæхæй, рацæут æмæ хъæлæс кæнут уæ фидæны тыххæй.

Евроцæдис у стыр æнтыстджын истори, уый у сабырады проект, размæцыды гарант, алкæмæн дæр аккаг царды гарант, æрмæст цалдæр хъæздыг адæймагæн нæ. Æркæсут мæ бæстæмæ. 30 азы размæ мæ бæстæ уыд банкрот. Æмæ ныр, Евроцæдисы уæнгдзинады фæрцы, уый у æнтыстджын истори. Æппæт уыцы бæстæтæн, кæцытæ историйы дæргъы бацыдысты Евроцæдисмæ, лæвæрд æрцыд фадат стыр цивилизацион гæпп саразынæн. Зæрдиагæй мæ ныфс ис, цæмæй афтæ уыдзæн Гуырдзыстоны хъуыддаджы дæр, фæлæ уæ къухты ис. Гуырдзыстонæн нæ дуæрттæ байгом кæныны тыххæй уынаффæ ивгъуыд азы декабры райстам. Мах дæм æнхъæлмæ кæсæм, фæлæ ацы дуæрттæй хъуамæ дæхæдæг ахизай. Дæуæн æй ничи бакæндзæн. . Дæ бæстæ у, дæхи равзæрст, æндæр никæй. Гуырдзыстон дæу у. Ацу æмæ схъæлæс кæн. Равзарут уæ фидæн», — загъта Павел Херчинский.