Парламент æртыккаг бакасты сфидар кодта “Коррупцийы ныхмæ тохы” закъоны проект, кæцымæ гæсгæ паддзахадон службæйы кусæг адæймæгтæн сæ бон уыдзæн уæлæмхас архайд æххæст кæнын æмæ уыцы архайды тыххæй гонорар исын уагдоны разамонæджы фыст разыдзинадæй.

Абоны пленарон рабадтыл фарстайы фарс рахæцыдысты 84 депутат. Уынаффæмæ гæсгæ, ахæм фыст разыдзинад лæвæрд хъуамæ æрцæуа иу афæдзы æмгъуыдмæ. Ахæм уагæвæрд хаудзæн тæрхонгæнджытæм дæр.

Ныртæккæйы закъонмæ гæсгæ паддзахадон кусæгæн нæй бар фидгæ куыст кæнын, кæд æмæ ацы арæнæвæрд нæ хауы зонадон, педагогон æмæ сфæлдыстадон архайдмæ, уæддæр. Закъонмæ ивддзинæдтæ бахæсгæйæ, паддзахадон кусæгæн йæ бон уыдзæн зонадон, педагогон, кæнæ сфæлдыстадон куыст кæнын, æмбæлон уагдоны разамонæджы кæнæ закъонæй бæрæггонд барлæвæрд адæймаджы фыст разыдзинады бындурыл.

Проектмæ гæсгæ, паддзахадон лæггæдты æмæ LEPL-ты куысты бадзырдмæ гæсгæ кусæг адæймæгтæн хъæудзæн сæ разамонæджы фыст разыдзинад, цæмæй райсой æндæр фидгæ куысты льготæтæ.