Гуырдзыстоны  парламенты  пленарон  рабадтыл  Ираклий Гъарибашвили æмæ хицауады  скондæн æууæнк  равдыста 89 хъæлæсæй   дыууæйы  ныхмæ.

Министрты  кабинеты  æрмæст  дыууæ  ног  министр ис –  хъахъхъæнынады министры постыл  Джуаншер Бурчъуладзе  бацахста, регионалон   рæзынады  æмæ   инфраструктурæйы  министрæй ссис Ираклий Карселадзе.

Иннæ  уагдæтты  къухдариуæггæнджытæ   закъондæттæг оргæн æнæивгæйæ  сфидар кодта.  Сæрмагондæй та: Мидхъуыддæгты министр –  Вахтанг Гомелаури; Экономикæйы æмæ æнææцудгæ  рæзынады министр Натиа Турнава;  фæсарæн хъуыддæгты  министр – Давит Залкалиани; Финансты министр – Иванэ Мачъавариани; ахуырады, зонæдты, культурæ  æмæ спорты министр – Михеил  Чхенкели; оккупацигонд территоритæй лигъдæтты,  фæллойады,  æнæниздзинад æмæ социалон хъахъхъæды  министр – Экатерине Тъикъарадзе;  Æрдзы хъахъхъæды æмæ хъæууон хæдзарады  министр – Леван Давиташвили;  фидыды æмæ æмбæстагон æмбарады  фарстыты  паддзахадон министр – Тея Ахвледиани.

Æууæнк райсынæн  хицауады скондæн  76 депутаты  хъæлæс хъуыдис.