Католикон аргъуанæн фæзынд ног разамонæг. Ног папæ сси кардинал Роберт Франц Превост. Уый у фыццаг америкаг папæ Ромаг католикон аргъуаны историйы.

69-аздзыд Роберт Превост, райгуырд Чикагойы. Уый уыдзæн Лев XIV папæйы.

2015-æм азæй 2023-æм азмæ Роберт Превост уыд Перуйы епархитæй иуы епископ. Кардинæй йæ снысан кодта Пап Франциск 2023 азы. Ацы азы февралы йæ Пап схызта кардинал епископæй æмæ йæ снысан кодта Ромы провинцийы Альбанойы епархийы.

Абон изæр Сикстинæйы кувæндоны сæрæй урс фæздæг схызт, кæцы нысан кæны, цæмæй ног папæ æвзæрст æрцыд. Йæ æцæгдзинад ныр зындгонд сси.

Кардиналтæ понтификы равзæрстой хъæлæсæппæрсты цыппар туры фæстæ. Конклавы хайад райстой 133 кардиналы 70 бæстæйæ, се ‘ппæтыл дæр 80 азы онг кæуыл цæуы, ахæмтæ. Франциск дзы 100-йæ фылдæры снысан кодта кардиналтæй.

Папайы равзæрсты процедурæ сусæг у. Конклавы райдианæй ног папæйы равзæрсты онг кардиналтæн æппындæр ницы бар уыд æддагон дунеимæ бастдзинадæй. Нæй сын интернет, телефонтæ æмæ медиа.

Пап Франциск амард 21-æм апрелы 88 азы кары, йæ фæдзæхстмæ гæсгæ, понтифик ныгæд æрцыд Ромы Санта Мария Маджорейы базиликайы.