Паддзахадон лæггæдты райрæзты агентады зæгъынц, зæгъгæ, ацы сæрдæй фæстæмæ фæнд кæнынц ног дизайны гоймагы  æвдисæндæрттæ дæттын.

Паддзахадон лæггæдты размæцыды агентады сæрдар Къоходзе Русудан куыд расидтис, афтæмæй гоймагон документты ног фæлтæр уыдзæн æдасдæр æмæ фальсификацийæ хъахъхъæд.

«Юстицийы министрадæн йæ приоритет у, цæмæй цы æвдисæндар æмæ балцы гæххæттытæ дæтты, уыдон уой æдас æмæ хъахъхъæд фальсификацийæ». Уагдон кæд 2010-2011 азтæй фæстæмæ дæтты биометрион паспорттæ æмæ электронон ID-картæтæ, уæддæр нырыккон технологитæ фæстаг рæстæджы зынгæ размæцыд æрцыдысты, уымæ гæсгæ, нырыккон технологитæй пайдагæнгæйæ, æнгæс бæлвырдгæнæн документтæ аразын боны фæткы ссис. Уый тыххæй бирæэтапон тендерон процедурæйы фæлгæтты æвзæрст æрцыд немыцаг компани, кæцы сифтонг кæндзæн нырыккон, ног фæлтæры гоймагон гæххæттыты проект æмæ рауагъд.

Уагдон ацы азæй райдайдзæн дæттын ног фæлтæры документтæ, кæцытæ уыдзысты æдасдæр æмæ хъахъхъæд фальсификацийæ. Æмбæстæгтæ, кæцытæм ис рæстæгмæ гоймагы бæлвырдгæнæн гæххæттытæ æмæ паспорттæ, нæ хъæудзæн ацы документтæ раивын, цалынмæ сæ æмгъуыд нæ фæуа, уæдмæ, æмæ фиддонты фæфылдæр нæ плангонд цæуы. Уагдоны фæнд кæнынц ацы сæрды ног фæлтæры æвдисæндартæ дæттын райдайын, уый фæстæ та биометрион паспорттæ. Бирæ ногдзинæдтæ дзы ис, фыццаджыдæр, хауы товарон нысæнттæм, уæлдæр ранымад документтæ сты ноджы хъахъхъæддæр. «Афтæ дæр йыл уыдзæн QR код, кæцы ацы документæн ногдзинад у» – расидтис Русудан Къоходзе.